Antoshimo Cafe & Bakery (已結業)

在旺角食完晚餐就当然要去附近食个甜品，见呢间嘅甜品系冲绳海盐焦糖雪糕冬甩(期间限定版)，标榜4重享受，加上我朋友原来都介绍过呢间，叫我去食呢个甜品就更加吸引，于是就坐咗入去，谂住2个人叫2 份海盐焦糖雪糕冬甩，当我地同店员落完单之后，另一位店员就好似好紧张咁问我地系咪只叫2个甜品，我地当时已经食咗晚餐只想食甜品咁当然话系啦， 点知佢话叫我地外卖！！ 我地就问佢点解，佢话有最低消费～但明明所有餐牌都冇写明有最低消费，同埋最低消费嘅价钱系几多钱！于是我地就问佢最低消费系几多～点知佢话$150 我心谂：吓？洗唔洗咁贵？本身仲谂住叫够最低消费，但咁贵就不了！(其实唔系唔想比，但我觉得要合理啰，黎到cafe一人一个甜品都满足唔到个最低消费！ )再加上果个甜品点可能做外卖？系雪糕黎架㖞，仲要下面有旧野外卖食会劲狼狈啰！扰让咗一阵个店员话：唉见人唔多就比你地系到食！心谂我要讲多谢？ 我都有比钱架㖞！好啦，个甜品到咗个卖相都几靓嘅，食落唔系话差，不过我比较钟意D焦糖自己放上面钟意放几多就几多，而冬甩方面食得出油嘅味，唔太好！雪糕太硬，好难先刮到出黎食，本身谂住比OK样但发生咗上面件事同埋味道一般加加埋