串串燒 by Season (已結業)

位于旺角嘅串串烧by Season，除咗食串烧、烧海鲜，另一卖点就系佢哋嘅清酒free flow。每位只需$168，就可以品尝超过20款嘅清酒。清酒款式多，醇浓芳香、淡丽清雅嘅一应俱全，照顾哂不同喜好嘅顾客。唔喜欢饮清酒，亦可以选择$98一位嘅cocktail（Hall Ball、Gin Tonic等等）、红白酒、青岛啤酒任饮。而唔饮酒嘅朋友都可以汽水、柚子茶等等，而一大杯1L装，都只系$28一杯。食物方面，份量都相当丰盛，清酒煮蚬、寿喜烧野菜顶级小肥牛锅、烧油甘鱼鲛、味椒盐炸鸡软骨等，全部都好味兼大份。特别想介绍麻辣牛舌同埋焗海鲜军舰俾大家。麻辣牛舌口感Q嫩，点埋麻烦酱汁相当惹味，依道菜配搭清酒特别好味。焗海鲜军舰里面包含咗日本广岛蚝、北海道大元贝同埋阿根廷虎虾。三种美味嘅海鲜放哂喺同一个蚝壳度焗，鲜味十足。而四款口味当中，我推介明太子口味。