GARAKU Soup Curry (已結業)

见到门面写咖哩汤， 醒起喺日本食过超好味嘅咖哩汤乌冬。突然想食返于是就入咗去。 menu唔大， 一个汤配 面包或者白饭 ，加一之后起码都要150蚊。冇得配乌冬有啲失望。 但系一场嚟到都试下啦。我拣咗佢写number one香港限定嘅“ 杂菌猪肉加芝士嘅咖哩汤”配面包 , 五只辣椒 （超过五只要加钱）。盘嘢上嚟卖相系几靓嘅， 面包都好松软 ，但系个汤饮落去其实唔系好咖哩， 认真形容似系加咗咖哩粉嘅罗宋汤 。多菜，入面有好多菇，有 侮舞茸，有火锅猪肉片四-五块 。食晒个汤同面包系饱嘅， 但系个味道其实真系好普通。 加一后要176蚊，个人觉得系贵在地点，环境格局似小店，食物质素一般般，如果喺旺角铜锣湾只值拉面店嘅价位。