柳氏家 (已結業)

特登走入荃湾食，因为见佢系Kabu集团，但系有得1间分店，所以特登去试吓。离开荃湾地铁站/荃湾西地铁站 都要行大概8至10分钟因为佢系韩烧，所以入到去都预咗有好多烟味，开晒抽油烟机，不过难免身上所有衣物连头发都会有阵烟味。对比牛角buffet，依度烟味浓郁啲 全部都系网上落单，Scan完QR code，见到其实牛肉剩系得西冷牛扒，牛胸肩，其他就系🐷，梅头，五花腩……同埋有炸鸡🍗，炸鸡有三个味道，柚子、辛辣、酱油。：炸鸡一件一件咁嗌，要几多件食几多件：炸鸡出嚟唔会干争争，仲好Juice：辛辣味，太辣啦，食唔到柚子味正常，不过唔系太突出结果最钟意食嘅有以下几款：1 ）出边攞嘅- 猪大肠2 ）牛胸肩- 好系因为佢一碟两件，唔会太多浪费3）五花腩- 好肥，不过好好味4）多春鱼出边仲有韩国粉丝、年糕、人参鸡汤、炸饺子🥟、生菜、蒜头🧄、辣椒🌶️、雪糕🍦、咖啡☕️、任饮任食总结：性价比超级高，$178任饮任食虽然唔系太多牛肉，不过五花腩，其他食物质素还好，如果book唔到牛角buffet，平价版都可以试吓。唯一缺点系第一间分店，特登入荃湾食，不过下次途经荃湾可以再试。