影片
更多
2017-05-18
99 浏览
浸会医院呢呢个地方令到我记得一件旧事，我记得𠮶日我个肚好痛，第三日忍唔住落去睇医生，睇开嘅医生好惊慌，佢问我你知唔知你自己胆管发炎，一个正常嘅人系唔会忍得到多过六个钟。立即签纸安排我入院。我呢啲穷等人家当然唔会打算去睇私家，留院两三日，都仲未肯去断症，折腾左两日决定出院，返返去自己睇开个间医生，医生令令头咁同我讲，唯有用我嘅方法帮你医好佢。同一时间，请咗两日假嘅我受到当时嘅上司嘅责备，成日就俾说话我听，同老板讲我诈病。。。当然呢位老板绝对知道我唔系咁，佢亦都知道我病得好严重。最后佢竟然安排左自己嘅私家医生，带我嚟到呢一度做过最仔细嘅检查。其实非亲非故，一个老板愿意咁样帮你真系唔容易，我好记得𠮶日出院，老板唔用车叫司机接我车我返到屋企。我离开咗公司唔经唔觉已经就嚟三年，三年以来我地都继续有联络出街食饭，带我去见识更多。其实呢件事已经唔讲系唔会记得嘅，今次嚟到金记又令我勾起呢啲回忆。因为就系响浸会医院隔离。装修很有旧式电影院嘅感觉，暂时来讲觉得呢一间嘅装修最靓。留意番呢度真系食到九点都仲爆场。同朋友两个点左一个小菜一份三文治一件西多。小菜系我已是最钟意食嘅菜脯肉松煎蛋，我嫲嫲都好钟意食，所
我呢啲穷等人家当然唔会打算去睇私家，留院两三日，都仲未肯去断症，折腾左两日决定出院，返返去自己睇开个间医生，医生令令头咁同我讲，唯有用我嘅方法帮你医好佢。
同一时间，请咗两日假嘅我受到当时嘅上司嘅责备，成日就俾说话我听，同老板讲我诈病。。。当然呢位老板绝对知道我唔系咁，佢亦都知道我病得好严重。最后佢竟然安排左自己嘅私家医生，带我嚟到呢一度做过最仔细嘅检查。
其实非亲非故，一个老板愿意咁样帮你真系唔容易，我好记得𠮶日出院，老板唔用车叫司机接我车我返到屋企。
我离开咗公司唔经唔觉已经就嚟三年，三年以来我地都继续有联络出街食饭，带我去见识更多。
其实呢件事已经唔讲系唔会记得嘅，今次嚟到金记又令我勾起呢啲回忆。因为就系响浸会医院隔离。装修很有旧式电影院嘅感觉，暂时来讲觉得呢一间嘅装修最靓。留意番呢度真系食到九点都仲爆场。
同朋友两个点左一个小菜一份三文治一件西多。
小菜系我已是最钟意食嘅菜脯肉松煎蛋，我嫲嫲都好钟意食，所以以前成日整，可惜嘅系呢几个月已经冇再整。因为无人送d 靓菜脯比我地啰！！
呢度嘅菜脯煎蛋，真系有𠮶种爽脆嘅口感，唔需要太多嘅肉碎只系调一调味，啲蛋唔会太老，成件事简单又好味，咩都唔使点即刻送到半碗饭。
朋友问过我点解永远都系只会点咸牛肉炒蛋三文治，我嘅答案就系因为其他嘢我都识整啰，唯独是我唔知系边度买到咸牛肉，所以必点。
即叫即炒，热辣辣，面包松软，烘底之后外脆内软，更正！
我觉得金记嘅西多士真系每一间都可以keep得住个水准，西多士同样即叫即炸，夜晚都有得食，从来都唔钟意食花生酱嘅我，唯独是裕兴同食西多士先会吃，西多士里便嘅系粗粒花生酱有口感就同外边松软感觉形成强烈对比。好食到呢 ~
我知道老板你每年都会嚟做身体检查，好想过两日同你地讲不如下次过嚟食件西多士先返公司，虽然你唔会睇到呢篇食评不过我都希望你生意兴隆兴隆唔重要，最重要系身体健康，带我食好嘢食多20年。
张贴
