18樓雞煲火鍋專門店

营业中

休息中

今日同朋友去咗旺角呢一头睇戏，散场都已经九点几，我哋两个咁啱都想打边炉就揾咗呢一间喺创兴广场18楼嘅鸡煲 收费就系$198 加一，同区嚟讲，价钱都几实惠 等位时间就唔使太多，因为始终都系第二场 店员好有礼貌咁带咗我哋入去，舖头都系用QR code落单，酱油同埋嘢饮就喺出边自助区 将邮区隔离亦都有软雪糕，有云呢拿同埋绿茶味 鸡煲嚟讲，我哋就拣咗小辣，二人份量大概半只鸡，味道恰到好处，鸡煲味道浓郁，但系唔会去到好咸嘅地步 啲鸡件亦都非常鲜嫩，唔会有太鞋既感觉 鸡煲第一部份我哋都好满意火锅配料嘅选择都好多，出奇地竟然有台式嘅小食，我哋叫咗台式小香肠，每啖一件非常好食 除咗牛肉猪肉羊肉鸡肉之外，亦都有海鲜提供！我哋就叫咗鲜虾，鱿鱼同蚬 每一粒蚬亦非常大粒，亦都食得出非常新鲜 鲜虾就非常弹牙，都几有惊喜 店员亦都成日嚟帮我哋收走用完嘅碟，服务质素一流，呢个位值得加分！嘢饮方面，佢哋都有冷泡茶，我就拣咗桂花乌龙茶，茶味道非常浓郁 消暑一流 钟意饮啤酒嘅朋友，亦都可以选择嘉士伯啤酒或者狮威啤酒 最后食埋绿茶味嘅雪糕，非常满足！！ 大家嚟旺角都不妨试吓呢一间18/F鸡煲 性价比几高，CP值一流！