eyebar

营业中

休息中

近排少咗夜蒲嘅活动，所以会多咗啲健康同享受生活嘅环节。最钟意嘅系望住维港，放低脚步，叹番杯。今次来到国际广场30楼，时间总系五点几，所以人唔太多，只有一台客，我哋四个女仔就包晒成个互外场，但请留意人流将会系六点半到入夜之后开始多。个180度维港view实在无得弹，宜家仲要正值秋天，feel住d海风吹埋面实在mug烦恼都走o西。鸡尾酒大概九十几至百几蚊一杯，小食花生收费二十五蚊。一人一杯，叫咗Banana park, Passion fashion, Grapefruit yogurt, Apple XX.个花生小食好好味，有D辣同麻辣味，入面放左d干辣椒丝，同花椒，好四川咁架。我杯passion fashion好多冰，味道有d清淡，热情果肉少，所以果味差d。Apple XX卖相好搞笑，入面浸左D果粒，饮落咪就系有气苹果汁味。另外两杯无试过，但朋友话grapefruit yogurt几好饮。总体黎讲，要景，普通价钱普通饮品，呢度真系首选。