影片
更多
2023-04-01
703 浏览
丽晶酒店 (前洲际酒店) 翻新重开后梗系要试一试佢地既下午茶😆 呢度环境好开扬，一整排对住维港既落地玻璃窗令成个景色一眼睇晒。同朋友悠闲地望住靓景倾住计叹返个下午茶，仲可以坐到晚上6点睇埋个黄昏。下午茶 ($888/两位)【甜点】・青苹果蛋糕👍🏻上层系清甜微酸既青苹果果涷，入面有爽口苹果粒，下层就系慕丝蛋糕。因为酸酸甜甜所以食落清爽开胃，几唔错！・草莓蛋糕上面既草莓都系酸酸甜甜，下面蛋糕体松软，外层朱古力就甜。呢个就普通少少，味道正常。・开心果泡芙👍🏻开心果酱好浓稠，食得出系真材实料，用烤焗过纯果仁打出黎。慢慢咀嚼既时候开心果味充满成个口腔，中意开心果既一定要试下。不过泡芙就唔系脆𠮶款，如果系脆面就完美。・玛德莲蛋糕👍🏻呢个贝壳形小蛋糕色泽金黄，奶香浓郁，口感松软绵密。食落有少少湿润唔会太干，甜度恰度好处。・英式松饼外面略微酥脆，入面松软，食落唔会挞口。套餐会配埋自家制浓缩鲜奶油同日本日向夏果酱。鲜奶油丝滑带奶香，食落唔甜；蜜柑果酱就酸酸甜甜，呢个配搭令人食完成个松饼都唔觉得腻。【咸点 - 三文治】上枱后侍应会建议返客人跟返以下次序，由淡味食到浓味。・蟹肉牛油果面包松软，牛油果软滑，蟹
下午茶 ($888/两位)
【甜点】
・青苹果蛋糕👍🏻
上层系清甜微酸既青苹果果涷，入面有爽口苹果粒，下层就系慕丝蛋糕。因为酸酸甜甜所以食落清爽开胃，几唔错！
・草莓蛋糕
上面既草莓都系酸酸甜甜，下面蛋糕体松软，外层朱古力就甜。呢个就普通少少，味道正常。
・开心果泡芙👍🏻
开心果酱好浓稠，食得出系真材实料，用烤焗过纯果仁打出黎。慢慢咀嚼既时候开心果味充满成个口腔，中意开心果既一定要试下。不过泡芙就唔系脆𠮶款，如果系脆面就完美。
・玛德莲蛋糕👍🏻
呢个贝壳形小蛋糕色泽金黄，奶香浓郁，口感松软绵密。食落有少少湿润唔会太干，甜度恰度好处。
・英式松饼
外面略微酥脆，入面松软，食落唔会挞口。套餐会配埋自家制浓缩鲜奶油同日本日向夏果酱。鲜奶油丝滑带奶香，食落唔甜；蜜柑果酱就酸酸甜甜，呢个配搭令人食完成个松饼都唔觉得腻。
【咸点 - 三文治】
上枱后侍应会建议返客人跟返以下次序，由淡味食到浓味。
・蟹肉牛油果
面包松软，牛油果软滑，蟹肉再加上酸忌廉酱，清新得黎又有层次。
・黑松露蟹肉
蟹肉份量几足，入口黑松露味香浓，但略为盖过左蟹既鲜味。
・鱼子酱玉子👍🏻
鱼子酱口感唔太明显，系带出少少咸味。个蛋质地非常特别，软滑到似系结实少少既蒸蛋咁，蛋味好香，入口轻轻用舌头一顶就化开😆
・蟹子烟三文鱼
烟三文鱼既咸香配上蟹子卜卜脆既口感，好味但就系想像到既味道。
【饮品】
・草本茶 - 蝶豆花
蝶豆花茶颜色好靓，打卡一流！饮落就偏清淡，带有微微草本香，好多人会形容为「无味」。但配茶点食就可以解腻，而且唔会盖过茶点本身既味道。
・白茶 - 茉莉花
呢个茶就正常发挥，好稳阵既一个选择。
总括黎讲，呢间下午茶所选择既糕点都系走一个酸甜、偏清爽既路线，食完全部野都唔会觉得好济好腻，真系几难得！仲可以另外加配鱼子酱同酒架～
张贴
