八幡屋涮涮鍋 (已結業)

星期六去油塘探朋友，佢提议再次去附近嘅大本型八幅屋涮涮锅食放题，挑战食量。店内环境相当阔落，坐得舒服。我俩入座先拣汤底，我拣咗个冬瓜薏米汤底，谂住清清地至可食到海鲜嘅鲜味。除咗用手机点刺身及其它海鲜食材，仲有自助嘅火锅配料，有炸物，串烧，寿司，菜，丸类，雪糕柜同饮品柜种类亦多。刺身三文鱼，吞拿鱼肥美冇筋，甜虾鲜甜，虎虾肉爽弹牙，刺身较细片，但鲜甜，咁都好嘅唔会嘥嘢，唔够食可以再点过。寿司都好多款，我拣选咗几件，都唔错。炸物，串烧方面，迷你甜番薯，外脆内粉甜，真系最好食。烧大虾虾肉爽口弹牙又易剥壳。烧猪颈肉烧得啱啱好，肉质又嫩又有肉汁，唔会烧到干𠲜𠲜。特选美国肥牛肉质鲜明，肥瘦均匀，嫩滑唔肥腻又有浓郁嘅牛味。鲜虾肉鲜甜弹牙，圣子、鱿鱼、带子都新鲜。＄198 120分钟任饮任食，星期一至四仲平＄20，食物有咁多种类，质素又唔差，真系超值抵食。