影片
更多
2018-02-26
725 浏览
早在上个月行过已经想试下，但又团年又开年咁，饭脚一直未得闲，终于系开工后黎试左啦，拣左食海鲜锅$198一位，唔到埋单都无留意系全包价，连酱料费、加一都无，即刻觉得抵左，哈哈，即刻去片睇下食左咩啦～先来两样餐前小食，酸辣豆角同凉拌土豆丝，辣辣地几开胃。酱料有葱蒜辣椒等，较特别系有姜蓉，正㖞。枱上提供干、湿纸巾，呢样一阵食海鲜好有用，因为要剥壳。下图系粥水汤底，未有米系入面㗎，同之前食嘅粥底边炉唔同，呢度个原理有啲似蒸海鲜锅个种。二人份量嘅蟹同虾，十分新鲜，啲虾跳左出黎几次。鲍鱼，蚌，两种蚬，班片，满满一大盘。自选五款食材，拣左响铃，墨鱼丸，韮菜饺，鱼片头，同鲜淮山，大众款式无乜惊喜，胜在几新鲜无雪味。虾同蟹超鲜甜，虾尤其正，大大只啖啖肉。蚌同蚬，爽口无砂，又系好正。鲍鱼弹牙，鱼肉嫩滑，无得弹。食完海鲜同其他食材就可以煲粥啦，哈哈，用返个煲冲满海鲜味嘅粥水，加入南瓜粒同芋头粒，粥胆，煲到淋哂再加埋咸菜葱花等，卖相虽然一般，但好香呀。极鲜甜，充满海鲜鲜味，又绵又滑劲正。食完仲有糖水送，笑左，第一次打边炉送红豆沙，又唔系上酒楼，哈哈。好味饱肚大满足，咁多新鲜海鲜食一啲都唔贵啦，虽然唔系放题，但
先来两样餐前小食，酸辣豆角同凉拌土豆丝，辣辣地几开胃。
酱料有葱蒜辣椒等，较特别系有姜蓉，正㖞。
枱上提供干、湿纸巾，呢样一阵食海鲜好有用，因为要剥壳。下图系粥水汤底，未有米系入面㗎，同之前食嘅粥底边炉唔同，呢度个原理有啲似蒸海鲜锅个种。
二人份量嘅蟹同虾，十分新鲜，啲虾跳左出黎几次。
鲍鱼，蚌，两种蚬，班片，满满一大盘。
自选五款食材，拣左响铃，墨鱼丸，韮菜饺，鱼片头，同鲜淮山，大众款式无乜惊喜，胜在几新鲜无雪味。
虾同蟹超鲜甜，虾尤其正，大大只啖啖肉。
蚌同蚬，爽口无砂，又系好正。
鲍鱼弹牙，鱼肉嫩滑，无得弹。
食完海鲜同其他食材就可以煲粥啦，哈哈，用返个煲冲满海鲜味嘅粥水，加入南瓜粒同芋头粒，粥胆，煲到淋哂再加埋咸菜葱花等，卖相虽然一般，但好香呀。
极鲜甜，充满海鲜鲜味，又绵又滑劲正。
食完仲有糖水送，笑左，第一次打边炉送红豆沙，又唔系上酒楼，哈哈。好味饱肚大满足，咁多新鲜海鲜食一啲都唔贵啦，虽然唔系放题，但都好够饱，如果真系咁大食，煲粥个阵可以要求店员比多啲粥胆整大煲啲㗎。
PS。店内只有三个店员，做到踢哂脚，睇见佢地都忙。
张贴
