影片
更多
2023-03-12
883 浏览
✨林洪记水产✨今次系tapnow.com上面买咗呢个$198 8款蒸气海鲜+火锅放题2小时套票! (已现售罄!!) 餐厅系一个几干净嘅街市入面 虽然有冷气 但此终都系街市入面 所以环境点都会扣分 洁净程度嚟讲佢都算中规中矩 无见到明显唔干净嘅位 只系啲放蒜辣椒同葱𠮶个位有啲hea 好彩豉油系一枱一支而唔系摊开哂 朋友仲话个豉油几好食 同埋都几贴心有个方形碟仔方便你食海鲜( ´ ▽ ` )ﾉ✨蒸气海鲜蒸气海鲜一共有8款 真系几失望 款式系多但啲海鲜一上枱 由海鲜嘅色泽已经睇得出啲海鲜唔够新鲜 望落去唔吸引 例如啲蟹膏完全唔系橙黄色 食落我觉得整体都系合格边缘 因为除咗大头虾都叫有啲黄色黄 同埋鲍鱼都叫弹牙之外 其他海鲜都冇咩鲜味 甚至无咩味 肉质都系好一般 ( ･᷄ὢ･᷅ )✨火锅蒸海鲜个锅有个隔层 上面比你蒸海鲜 等啲海鲜鲜味滴落下面做边炉汤底 但我嘅观感系 开始边炉嘅时候下面就系一盆我都唔知佢干唔干净 望落去好milky嘅水 我完全唔想放嘢食落去打边炉 同埋好多海鲜都系贝类 流落去嘅水我会觉得唔干净 呢part扣好多分 (｡ ́︿ ̀｡)不过火锅食材系任叫嘅 食材都唔差 牛真系有牛味嘅牛比你
今次系tapnow.com上面买咗呢个$198 8款蒸气海鲜+火锅放题2小时套票! (已现售罄!!)
餐厅系一个几干净嘅街市入面 虽然有冷气 但此终都系街市入面 所以环境点都会扣分 洁净程度嚟讲佢都算中规中矩 无见到明显唔干净嘅位 只系啲放蒜辣椒同葱𠮶个位有啲hea 好彩豉油系一枱一支而唔系摊开哂 朋友仲话个豉油几好食 同埋都几贴心有个方形碟仔方便你食海鲜( ´ ▽ ` )ﾉ
✨蒸气海鲜
蒸气海鲜一共有8款 真系几失望 款式系多但啲海鲜一上枱 由海鲜嘅色泽已经睇得出啲海鲜唔够新鲜 望落去唔吸引 例如啲蟹膏完全唔系橙黄色 食落我觉得整体都系合格边缘 因为除咗大头虾都叫有啲黄色黄 同埋鲍鱼都叫弹牙之外 其他海鲜都冇咩鲜味 甚至无咩味 肉质都系好一般 ( ･᷄ὢ･᷅ )
✨火锅
蒸海鲜个锅有个隔层 上面比你蒸海鲜 等啲海鲜鲜味滴落下面做边炉汤底 但我嘅观感系 开始边炉嘅时候下面就系一盆我都唔知佢干唔干净 望落去好milky嘅水 我完全唔想放嘢食落去打边炉 同埋好多海鲜都系贝类 流落去嘅水我会觉得唔干净 呢part扣好多分 (｡ ́︿ ̀｡)不过火锅食材系任叫嘅 食材都唔差 牛真系有牛味嘅牛比你 粟米同菜都洗得几干净仲要几甜 沙白唔算多沙 个人觉得同出面百零2百嘅边炉差唔多
✨熟食
我地叫咗黄金炒蟹同虾多士 我好钟意食佢个蟹 encore咗2次 食得出佢系用椒盐炒嘅 好惹味 蟹虽然细细只但系有肉食嘅 虾多士有少少油 但都算好食嘅 不过扣番分嘅系 两样嘢都唔系热嘅(///▽///)
总评：
$198呢个价比你食到8款蒸海鲜 食完海鲜有得比你任叫嘢食打边炉 仲有少量熟食比你任叫 价钱上真系好平 不过食物质素 尤其主打嘅蒸气海鲜真系有待改善(._.) 要知道无任何何调味情况之下 海鲜就好似冇着衫咁 好易食出新唔新鲜 我会幻想如果呢度主打海鲜火锅而唔系蒸海鲜 再用心少少调配个汤底 或者主攻2-4款海鲜做蒸气海鲜 但要确保质素提高 同埋个流程系叫啲客人自己放隔盆入个锅去蒸海鲜 性价比分数一定大大提升 毕竟$198呢个价钱真系算好平 所以真系为呢餐感到可惜(˶‾᷄ ⁻̫ ‾᷅˵)
不过上餐厅社交平台睇见到有新套餐 今期做紧海鲜烤肉餐 唔排除我会再去比多次机会佢(>^ω^<)
▽ Rating ▽
好食: 5.5/10
环境: 6/10
推荐: 6/10
人均消费$198+20任饮汽水啤酒/ person
📍 长沙湾保安道325号保安道街市3楼CFS4号档
张贴