勝記酒家 (已結業)

返工成日经过见到呢个大招牌，知道胜记出名食乳猪，老公今晚忽然好想食乳猪，就带佢来试试。乳猪可以半只咁叫，其实我觉得2个人叫半只都唔会觉得太多。除左乳猪其他小菜都系一百几十蚊，价钱合理。首先来就系酱烤乳猪，虽然半只但份量唔算好多，加上我老公系食肉兽，KO半只猪绝对无难度。乳猪外皮香脆，肥瘦均匀，咬落肉质嫩口，肉味浓带点咸香味，就算乜酱都唔点都好好味，2个人边食边饮啤酒，好快已经清晒，个猪头我地都唔浪费，打包回家煲粥，正！👍🏻小菜我地只点左2款，西兰花带子，新鲜蔬菜一定好味，带子亦都好大粒，咬落口感觉肥美。最后点左另一招牌菜干炒粉丝，虽然听落平平凡凡，但粉丝可以炒到就干身，绝对考厨师功夫，加上虾干及碎肉、蛋丝，食落多重〇感，味道都做得不错，好够味，成个菜好有特色。