影片
更多
2022-07-21
133 浏览
食过咁多间鸡煲，始终觉得18楼鸡煲最扺食，性价比最高。佢有三个套餐可供选择，套餐A食物选项较少，价钱最平 ; 套餐B同套餐C多咗啲靓牛同靓海鲜可供选择，亦都有啤酒任饮，价钱就相对较贵，详细如下：我自己就每次都系拣套餐A，虽然牛肉同海鲜嘅选择少左，但其实整体可以叫嘅食物都已经好多，A餐可以拣既食物已经超过五十样，我自己已经觉得好足够。鸡煲我地拣左小辣，我本身唔算好食得辣，所以觉得辣度适中，钟意食辣嘅朋友可能要叫大辣先够过瘾。鸡煲嘅辣汁非常惹味，亦都好入味，每次食佢个汁都食到唔想停😂鸡件既数量亦都非常多，粗略估计应该有半只鸡，二十件鸡应该有，好足料，我地两个人食，净系食鸡已经饱左四成。鸡煲既鸡亦都好多肉，有比鸡翼鸡槌既部位，唔系得鸡头鸡骨｡食哂啲鸡就可以自己落汤开始打边炉，打边炉当然要叫好多肉类，牛肉类包括有雪花肥牛，特级肥牛，滑牛肉，五香牛腩同牛拍叶，猪肉类有顶级梅头猪肉，西班牙黑豚腩肉，猪膶，爽猪皮等等。个人觉得西班牙黑豚腩肉好有惊喜，肉质嫩滑，肥瘦分明，腩肉嘅脂肪会溶系口，一啲都唔会韧。朋友就推介滑鸡柳，其他肉都系一片片，比较薄身，但鸡柳大件得黎有咬口又嫩滑，鸡煲食左咁多鸡佢都仲en
我自己就每次都系拣套餐A，虽然牛肉同海鲜嘅选择少左，但其实整体可以叫嘅食物都已经好多，A餐可以拣既食物已经超过五十样，我自己已经觉得好足够。
鸡煲我地拣左小辣，我本身唔算好食得辣，所以觉得辣度适中，钟意食辣嘅朋友可能要叫大辣先够过瘾。鸡煲嘅辣汁非常惹味，亦都好入味，每次食佢个汁都食到唔想停😂
鸡件既数量亦都非常多，粗略估计应该有半只鸡，二十件鸡应该有，好足料，我地两个人食，净系食鸡已经饱左四成。鸡煲既鸡亦都好多肉，有比鸡翼鸡槌既部位，唔系得鸡头鸡骨｡
食哂啲鸡就可以自己落汤开始打边炉，打边炉当然要叫好多肉类，牛肉类包括有雪花肥牛，特级肥牛，滑牛肉，五香牛腩同牛拍叶，猪肉类有顶级梅头猪肉，西班牙黑豚腩肉，猪膶，爽猪皮等等。
个人觉得西班牙黑豚腩肉好有惊喜，肉质嫩滑，肥瘦分明，腩肉嘅脂肪会溶系口，一啲都唔会韧。
朋友就推介滑鸡柳，其他肉都系一片片，比较薄身，但鸡柳大件得黎有咬口又嫩滑，鸡煲食左咁多鸡佢都仲encore左滑鸡柳两次，就知道滑鸡柳真系相当唔错。
海鲜类有脆鲩片，鲜脆鲩骨腩，白膳片，海中虾，花胶，水鱿等等。我净系影左脆鲩片，但其实我觉得鲜脆鲩骨腩同水鱿好食啲，水鱿一啲都唔韧，仲好弹牙添。
仲有好多丸类，蔬菜类同菇类就唔特别罗列，但要特别赞扬佢有芝士豆腐，同个顶级墨鱼丸真系几弹牙，几有咬口。
除左边炉既食材外，佢仲有提供小食，包括大汗小酥肉，芝士忌廉烟肉薯波，台湾鸭血，同台湾一口黑椒肠等等。
叫左个芝士忌廉烟肉薯波，虽然外皮有小小厚，但味道都唔错。食食下边炉既食物会觉得有啲闷，呢个时候叫啲小食中和下，就唔会食得咁单调。
饮品方面，我一定要特别推介，佢既茉莉绿茶同埋台湾冬瓜茶，简直系无糖健康之选!! 茉莉绿茶系完全无糖，而冬瓜茶就因为冬瓜本身带有甜味，所以有小小甜，但并无添加糖既味道，唔钟意饭甜饮既我，表示好满意。
而如果你中意饮甜既饮品，佢同样有可乐，果汁，竹蔗茅根等等既罐装饮品。
PS1 佢个绿茶雪糕好好味 有惊喜!! 好少有放题餐厅嘅雪糕系咁好味
PS2 佢送食材上枱嘅速度同埋收返啲空碟嘅速度都非常之快，呢点好值得赞赏
PS3 每次落单可以叫二十种食物，要相隔五分钟先可以再落单
张贴
