影片
更多
2022-06-01
474 浏览
烧肉放题往往都会令人觉得油腻﹑款式有限﹑质素参差既问题，甚至听朋友讲有餐厅会利用拖延送餐战术令你可以食到既烧肉份量有限 - 今晚小编与老公响铜锣湾行街揾食个阵就试到间高质素既烧肉放题，值得推荐俾大家试下!和牛烧肉一郎位于铜锣湾广场一二期后街既十字路口旁，由港铁铜锣湾站C出口，一出地面既对面就会见到餐厅既招牌，非常方便!如果行楼梯上2楼既朋友，一上到去会俾两只牛牛摆设吓一吓，虽然唔骑上去但个尺寸都唔讲得少，放公仔上去影张打卡相都唔错 (可惜小编个日一心行街无带，同埋最好问问店员先放，以免唔小心整烂就大镬) >_<响门口见佢个Menu有分6个唔同价钱既烧肉放题，店员响门口主动介绍个阵提及到，任何放题都会包沙律吧﹑汽水﹑特调饮品及甜品都系任饮，而价钱分别在于放题A-B餐以美国牛为主﹑C餐以澳洲牛为主﹑而D-F餐就会以餐厅主打日本小田牛 - 和牛为主，然后再视乎价钱有更高级同多样既和牛肉提供。考虑一阵后，小编与老公都决定试下套餐E，虽然价钱偏贵但因为见到有生牛肉料理，所以即管试试抵唔抵食先。可能店员都见我地有少少怀疑既眼神，佢地都即刻加以介绍 - 原来每间烧肉一郎都会有本日黑毛
和牛烧肉一郎位于铜锣湾广场一二期后街既十字路口旁，由港铁铜锣湾站C出口，一出地面既对面就会见到餐厅既招牌，非常方便!
如果行楼梯上2楼既朋友，一上到去会俾两只牛牛摆设吓一吓，虽然唔骑上去但个尺寸都唔讲得少，放公仔上去影张打卡相都唔错 (可惜小编个日一心行街无带，同埋最好问问店员先放，以免唔小心整烂就大镬) >_<
响门口见佢个Menu有分6个唔同价钱既烧肉放题，店员响门口主动介绍个阵提及到，任何放题都会包沙律吧﹑汽水﹑特调饮品及甜品都系任饮，而价钱分别在于放题A-B餐以美国牛为主﹑C餐以澳洲牛为主﹑而D-F餐就会以餐厅主打日本小田牛 - 和牛为主，然后再视乎价钱有更高级同多样既和牛肉提供。考虑一阵后，小编与老公都决定试下套餐E，虽然价钱偏贵但因为见到有生牛肉料理，所以即管试试抵唔抵食先。
可能店员都见我地有少少怀疑既眼神，佢地都即刻加以介绍 - 原来每间烧肉一郎都会有本日黑毛和牛既产地及批次编号，同时佢地都会唔介意将和牛放响当眼既雪柜内，如果真系有怀疑，可以要求佢地提及和牛既验证编号，以便你即时去日本农林水产省既网页内查询批次是否正货。有哂每只牛既出生同屠宰史，小编都真系佩服佢地准备既资料!
入座之前都望望沙律吧同饮品区先 - 小编最深刻佢地既特调饮品款式好多，而且除左会令人饱肚既果汁外，仲有唔同种类既水果茶﹑当然仲有热茶包既茶，够哂贴心。
烧炉方面，有别于比较多数餐厅使用既圆形炉，烧肉一郎选用长方形既炉，或者方便上菜个阵有足够既空间放吧；虽然尺寸上相对比较细但火喉够，而且响炉边既抽风力都几强，所以响烧牛肉个阵既火力都足够。
正式正式讲野食喇，小编与老公因为太为食关系，而拣既E餐大大话话有92款食物可选择，我地尽量拣选精选既肉类同大家介绍同推介喇：
1) 本日の宝箱 (D-F餐 - 每枱只有1客)：高度推介。宝箱其实系即切既和牛肉眼，净系睇和牛既纹理已经系值回票价啦! 店员会帮你烧埋所以唔驶担心会浪费 - 肉眼既肉质嫩，而且真系有种入口即溶既感觉，呢刻会觉得和牛既油脂并唔会影响你任何食欲，相反宝箱作为开头既菜式令你想继续品尝其他牛肉。
本日の宝箱 - 和牛肉眼
12 浏览
0 赞好
0 留言
本日の宝箱 - 和牛肉眼
12 浏览
0 赞好
0 留言
本日の宝箱 - 和牛肉眼
15 浏览
0 赞好
0 留言
3) 牛外横隔膜 (A-F餐)：OK。都系以咀嚼既感觉为主但因为横隔膜小编好少试到所以觉得得意既!
和牛里脊肉 + 牛外横隔膜
12 浏览
0 赞好
0 留言
4) 和牛牛肋肉 (D-F餐)：高度推介。如果刚才肉眼入口即溶既感觉想继续有既话，牛肋肉既入口即溶而丰有均匀油脂既情况会令你有惊喜。相对肉眼牛肋肉会更快烧熟，5成左右既熟度就刚刚有肉汁既浓香同即溶既效果。
5) 和牛西冷 (E-F餐)：推介。西冷既油脂排列会明显得多，所以口感上会令你即刻分为肉同脂肪味道上唔同，再咀嚼个阵融合埋一齐会令人响往!
6) 薄切上等牛舌芯 (A-F餐)：推介。薄切既牛舌芯方便你可以在炉内以几秒既速度即刻烧肉﹑反转﹑再上碟，牛舌芯特色有弹口既感觉，好味!
薄切上等牛舌芯
10 浏览
0 赞好
0 留言
7) 特上牛舌棒 (E-F餐)：高度推介。平时食开切片，原来牛舌棒可以有咁上下粗度，经店员既温馨提醒下，烧个阵可以每条长边咁烧至表面微㶶，然后再90度转，当你烧到最后一面个阵，牛舌既深度都会刚好熟而食得。如果烧得靓既话就会好似食厨师肠个质感，但同时有香浓既肉味!
特上牛舌棒
32 浏览
0 赞好
0 留言
大判寿喜烧牛里脊肉
36 浏览
0 赞好
0 留言
薄灸葱花牛舌 (盐味)
13 浏览
0 赞好
0 留言
和牛薄灸里脊肉
17 浏览
0 赞好
0 留言
和牛薄灸里脊肉
19 浏览
0 赞好
0 留言
表面上已经食左咁多牛肉，正常都会觉得饱肚? 唔会，呢间餐厅既肉好多都系薄切所以唔会令你有太强既罪恶感。
小编入座个阵为左生牛肉料理而拣左E餐，即管试下佢地相关既料理先!
11) 生牛拖罗刺身 (白身，E-F餐)：高度推介。可能你会觉得生既油脂一定会好难咬开：其实唔一定既，拖罗刺身既油脂比较易即刻咬开，而牛肉本身既油香都即刻食得出黎。如果怕生牛肉既所谓腥味既话，拖罗刺身会岩你。
12) 生牛肉刺身 (赤身，D-F餐)：高度推介。以小编既立场，无论系白身定赤身都有佢独特既口感，赤身会比较需要咀嚼，建议落少少姜蓉一齐食就会无左头先讲既所谓腥味!
生牛拖罗刺身 + 生牛肉刺身
11 浏览
0 赞好
0 留言
特选拌生牛肉
74 浏览
0 赞好
0 留言
15) 香葱生牛腹肉碎寿司 (D-F餐)：OK。有埋香葱既配搭个效果又唔错! 一口既寿司会令你觉得满足既。
生牛中腹肉寿司 + 香葱生牛腹肉碎寿司
26 浏览
0 赞好
0 留言
食左咁耐其实都离埋单仲有30分钟，店员都会帮你预先埋单及提醒落最后1张单。小编与老公响最后既作战中都有两样特式食物想推介俾大家：
16) 明太子薯仔沙律：一般既明太子沙律都偏向咸而且明太子量少，但呢间餐厅捞出黎既味道好明显落足料，甚至会令你食到明太子过多而有既苦味，用黎中和下牛肉油脂都唔错。
明太子薯仔沙律
19 浏览
0 赞好
0 留言
17) 红豆夹心鲷鱼烧：响接近门口既地方就系雪糕区，而当中玩得又食得既必选鲷鱼烧：只要你用细火将鲷鱼烧放上烧炉，耐心既慢慢反转，当鲷鱼烧表面开始㶶个阵，同时内里雪糕层既表面都溶化个刻，就系最最最好食既时间。表面既暖加上内里既凉系完美既享受!
红豆夹心鲷鱼烧
33 浏览
0 赞好
0 留言
整餐晚饭和牛质素又高﹑又有得玩有得食﹑地点又方便，小编与老公都认为烧肉一郎系值得推荐俾大家去试。理解E餐人均消费超过800蚊系好贵，所以如果想试和牛既款式既话，C餐或D餐价值差100蚊情况下，会推荐大家试下D餐吧!
题外话/补充资料：
听店员介绍个阵，除左午市都有烧肉既套餐外，佢地响部分分店已经引入「烧肉新干线」(类似某连锁寿司店)既智能化送餐模式，除左可以令店员更专心服务客人外，亦可以尽量避免送错单吧；睇返餐厅既官网原本佢地已经响佐敦﹑将军澳同荃湾都有分店，岩哂小编与老公钟意周围揾食，甚至系当区钟意食烧肉既牛魔王朋友仔。
另外，再次再次要欣赏店员会间唔中留意大家烧肉既情况，一发觉大家烧既方法唔岩，甚或见到大家无从入手点烧个阵，佢地都会主动问下有无需要帮手烧 (特别系贵价肉)。
(以上食记乃用户个人意见 , 并不代表OpenRice之观点。)
张贴
