星宴中餐廳 (已結業)

差唔多一年冇嚟过，今日再去星宴食佢嘅下午茶点心放题，上年嚟食系$228，今日已经系$288，加幅小少，所以只得四枱客，亦都可能因为疫情关系。讲返食物，灌汤饺、合桃酥、虾饺、蒸排骨、鲍汁凤爪、奶皇流沙包、烧卖和XO 酱带子饺，保持一贯水准，扒时蔬嘅菜芯只系食菜远部份所以脆口多汁得嚟又冇渣，质素吾错，每位一件嘅鲍鱼烧卖都有睇头及算足料。叉烧酥和叉烧饱个馅就比较干，珍珠鸡就好似有d甩皮甩骨咁，芝士烟肉春卷又中又西有d吾系好夹。牛肉球d牛肉好深色好似吾太新鲜咁，而且d肉又有d散，口感不佳。整体来说，价钱加了不少但食物有点退步，幸好待应收碟频密而且相当有礼。