天龍海鮮火鍋 (已結業)

见到有手机软件做半价，就同朋友去试吓。朋友先去到攞位，侍应用谭仔广东话讲边啲有半价边啲冇，例如锅底、海鲜、牛肉同饮品就无。见到都OK所以就落单，落单嘅时候佢地不停推销海鲜，我心谂点解佢要推销一样冇特价嘅嘢呢？食物嘅质素都非常参差，猪肉同羊肉上枱嘅时候好明显已经喺雪柜放到干晒，普通超级市场货仔俾佢mark up四陪到六倍。锅底其实好OK，醉鸡真系好有酒味，手打丸味道都好出色，响铃系鲜炸嘅。只不过系价钱同份量完全不成正比，本身佢买$78云吞，上枱得四粒，如果冇特价我相信真系唔会食。就算特价，旺角花园街货仔$10一粒云吞都非常过分。唔计钱就合理，睇埋价钱个心都离一离。