一族小食

营业中

休息中

自从复活节开始病，一直口淡淡，无胃口。近日开始好返，就马上周围想揾好嘢食。擒日专程走去大角嘴，就系为咗佢嘅煎酿三宝。而家已经好少小店会卖，一来要开油镬炸，二来又唔系点赚到钱。十元八块生意，真系赚埋都未必够交租⋯⋯呢到仲卖紧$20/8件，份量大小比坊间大旧好多。 选择又多，有红肠，肠仔，尖椒，青椒，豆腐，矮瓜，蟹柳，鱼蛋。仲有其他炸物，如鸡髀，鸡扒，鸡中翼，鸡全翼，炸大肠，薯饼等等。。。。可惜上碟时，部份无开大火迫返D油出嚟，所以有啲油淋淋。但大致上同坊间比较都算唔错，鱼肉够晒弹口，炸云吞又唔会油淋淋。豆腐面鱼肉大大旧，外脆内软够JUICY。另外炸鸡全翼$8， 炸得香口干身，外脆内软，口感唔错。