影片
更多
2021-03-08
12125 浏览
早前有一间位于沙田既铁板烧餐厅人气急升，除左有多位youtuber介绍外，就连自己身边朋友都有试过，评价都系以「抵食」二字黎形容，咁我又点可以落后呢?! 电话预约果阵，职员告知只有12:00同14:00，其他时间要Walk-in，虽然系平日，但我紧系唔博啦，结果book左最早果轮。餐厅12点正开门，门口当时已经有少少人群，不过全部入得哂。店内地方其实几大，我坐卡位，所以觉得宽敞；除左餐板上既食物由职员送上外，饮品同甜品都要行去店尾攞，虽然唔远，但地板有d跣，唔远既路都变得唔想行。😥我地见加$40就有刺身，价钱唔贵，又可以食到油甘鱼、剑鱼、墨鱼、带子等13款刺身，每款食少少都围番条数!!可惜质素麻麻，可以话连日式放题质素都无……。第一round带子系甜，第二round开始就无味，真系后悔第一round点太少；甜虾试两round都唔甜、无味；泰虾配埋个无得输既泰汁，加上虾爽爽地，虽然食唔到虾味，但好过食甜虾。谂深层，餐厅主攻铁板烧咁嘛，刺身麻麻其实可以理解。我见好多食客都推介鹅肝，咁身为震店之宝既鹅肝，当然无令我地失望啦!! 鹅肝密密煎，上枱时热辣辣，虽然薄身d，但味道唔错。我同友人每人食
餐厅12点正开门，门口当时已经有少少人群，不过全部入得哂。店内地方其实几大，我坐卡位，所以觉得宽敞；除左餐板上既食物由职员送上外，饮品同甜品都要行去店尾攞，虽然唔远，但地板有d跣，唔远既路都变得唔想行。😥
我地见加$40就有刺身，价钱唔贵，又可以食到油甘鱼、剑鱼、墨鱼、带子等13款刺身，每款食少少都围番条数!!
可惜质素麻麻，可以话连日式放题质素都无……。第一round带子系甜，第二round开始就无味，真系后悔第一round点太少；甜虾试两round都唔甜、无味；泰虾配埋个无得输既泰汁，加上虾爽爽地，虽然食唔到虾味，但好过食甜虾。
谂深层，餐厅主攻铁板烧咁嘛，刺身麻麻其实可以理解。我见好多食客都推介鹅肝，咁身为震店之宝既鹅肝，当然无令我地失望啦!!
鹅肝密密煎，上枱时热辣辣，虽然薄身d，但味道唔错。我同友人每人食左两件，已经好够皮，因为真系太腻。
蚝—上枱就丑样d，不过味道都唔差，亦无怪味，好彩既话仲会有大粒蚝添!!
带子—本身以为烧过后，鲜味会浓缩d，但本身唔系靓货，所以鲜味唔太觉。
铁板虾—第一round完全冻既，连虾心都冻，岩岩开铺就上铁板冻虾，唔知放左几耐呢?! 之后几round终于变热，而且一上枱就闻到阵阵虾香~味道唔错
羊架—完全无羊味无肉味，入口只知食梗一旧肉，唔好味
西冷—呢个最好，煎到7-8成左右熟，入口Juicy，不过牛味就唔算好浓，但我地食得最多
龙利柳—肉质唔鞋
铁板炒饭—根本就系叮炒饭，d饭痴埋一旧，唔好讲镬气味，连炒饭应有既香味都无，浪费食物….
串烧类
串烧大葱—几好味，多汁，而且带少许甜味，食咁多肉，食番少少菜类有解腻效果。
鸡肾—入口货，细细粒，烧到太干
牛舌—厚肉，唔会太干太韧，但无乜味
烧腩串—虽然望落烧到焦左，但入口肉质会想像中咁干，呢个反而有惊喜
炸物无食太多，因为本身肉类已经油腻，再食炸野只会更易滞。整体炸物都新鲜够热，炸虾味道唔错、炸南瓜系中国出产、墨鱼咀好迷你，几乎分唔到系炸粉定咀、紫薯芝士丸，少少甜又有芝香
由于想食多d菜，所以点左个牛肉锅，但我就觉得无论系肉既色泽定味道，都似猪肉多过牛肉🤔，结果除左肉片外，所有菜都比我食哂。
饮品&甜品方面，餐厅提供多款汽水、细樽装茶、友人中意既乐天柠檬茶…..雀巢朱古力、芒果、云尼拿雪糕、芋味雪米糍
整体食物同我想像有出入，值得推介既系鹅肝、铁板虾、铁板西冷、铁板蚝、烧大葱、烧腩串、炸薯紫芝心丸。如果比我再拣多次，我一定唔会加刺身。
张贴
