松坂日本料理 (已結業)

晚上我和老公及他的同事夫妇二人一同去尖东的松坂料理吃一顿放题联谊一番。$209的放题不像自助餐般放在摆设好的食物台前自己夹，原来是在 order 纸上剔选(见笑了，我未食过放题)。好多食物啊！数数先：三文鱼刺身(我和老公的同事均挚爱三文鱼，叫了两 round 才满足啊！)、软壳蟹卷、北寄贝寿司、金菇牛肉卷(原来同事太太好钟意食金菇㖞)、海誊手卷、鳗鱼手卷、海鲜薄饼、炒杂菜(无菜味，得个辣字，都唔知似乜)、蟹籽沙律、螺肉沙律、茄子及南瓜天妇罗、吞拿鱼及赤贝刺身、鳗鱼寿司、煎饺子、脆豆腐、冬菇天妇罗、鸡软骨串(唉~过了火，好干韧)、炸虾天妇罗(我唔食得，但见好大只、好长、好弹性，同事的太太大赞好新鲜弹牙)、煎鸡翼、烧雪鱼骨、烧三文鱼头、烧春鱼(点解咁细条既？)、甜虾刺身和送的每人一只北海道帆立贝，最后食埋香浓的红豆雪糕，真系好饱、好饱….呀！其实仲有个牛肉火锅架，不过最终都无送到黎，唔通只牛在松坂飞紧过黎未到步？不过算啦，都饱喇，cancel 左佢。总括来说，刺身类好鲜好正，但熟食又咸又过晒火，麻麻地，不过款式都真系几多，都算 OK 既。