Tea & Herb (已結業)

今天绝对系行程紧密嘅一天，上午陪朋友到跑马地睇楼，接著到九龙培正一带与朋友家人一起午膳，再到庙街玉石市场陪朋友买玉器。为咗应付咁紧密嘅行程，一个比较丰富嘅早餐系十分重要的。朋友提议到蚬壳街嘅一间小舖头一齐食早餐，笔者当然无任欢迎啦。原来此店是openrice本年候选最佳西餐厅之一，见店内装饰雅致，一派优闲之风格，顾客都悠然自得翻阅餐厅所提供嘅报纸杂志。虽然行程紧凑，笔者都不得不稍微放慢步伐。望一望餐牌，有数款早餐供选择，笔者叫了最喜欢嘅egg benedict，太座则点了炒杂菇及烟肉。Egg benedict嘅poached egg 烚得刚好，蛋白刚好变成固体，仍十分滑，蛋黄仍能保持液态，用嚟蘸面包，十分可口。Hollandaise sauce 牛油味重但柠檬酸味唔明显，系笔者的那杯茶，如果厨师可以慷慨一些，落多少少sauce，更合笔者心意。太座嘅早餐，简单的杂菇带点牛油香味，烟肉煎得有少少脆，炮制得对办。享受完整份早餐，再来一杯香浓嘅热咖啡，十分满足。这里嘅mocha朱古力味偏浓，咖啡味显得偏淡，系可以改善嘅地方。每人平均消费八十多元，价钱亦属合理范围。