君滬鍋貼大王 (已結業)

好景不常，睇嚟大鱼大肉嘅日子恐怕响可见嘅将来都见唔到。不过，人一出世就注定同食扯上不可摆脱嘅关系。贵有贵食，平都有平食。平时唔多起眼嘅小舖头呢期都变得客似云来。话呢间系小舖头，其实一啲都唔细，在区内亦有些名气。此店打正旗号叫做「锅贴大王」，主打当然系锅贴啦，除此之外，生煎饱、北方嘅云吞面、煎炸小食亦系客人喜欢点嘅菜式。这天笔者与太座因要到附近办点事，便帮衬这家食肆。嗌咗几样嘢，包括「菜肉云吞面」、「担担面」、「生煎锅贴」、「煎猪肉包」、油菜一碟及豆浆两杯。担担面嘅面条虽幻，但仍有咬口，不过担担面酱中嘅花生味欠奉，味道较为平淡；云吞嘅猪肉味浓厚，反而菜就冇乜。云吞皮是厚厚的，面条粗身，系北方嘅做法。锅贴外表不过而已，锅贴皮皱皱的，不是正统般比较干身及「硬净」，而于馅料都系对办的，肉汁丰富，平均两个半一只，算是有交代了。豆浆只有甜味，豆味欠奉，在这里吃，要求有阵时都要有些弹性。吃了面、菜及锅贴之后，笔者与太座已饱得捧著肚子了，落漏单嘅猪肉包顺势取消。两人共银五十八，平均每人廿九蚊便可以将肚子塞得满满的。