影片
更多
2009-04-07
5 浏览
是日太座再与朋友J到跑马地一带睇楼，今次仲加埋朋友V同行。睇楼活动完毕之后，V提议到此店试吓呢度驰名嘅海南鸡。除咗叫了半只海南鸡之外，还点了豆腐斑腩煲、土鱿蒸肉饼及泰式肉碎炒通菜。闻说这里嘅海南鸡被誉为全港最好食的，网上评论亦褒多贬少，笔者嘅体验有少少出入。鸡肉系全去骨，所拣选嘅鸡唔肥，皮够晒薄，不会有肥腻感。鸡腿嘅肉质当然嫩滑，不过鸡胸肉就比较鞋身。笔者亦观察到网上讨论话海南鸡用浸制法煮，所以鸡味已浸去。不过笔者曾经在印尼街边档食过有鸡味嘅海南鸡，同样做到皮薄肉嫩，想是鸡嘅本质吧。话说回来，这里嘅鸡油饭是十分出色的，饭粒粒金黄，入口即能轻易感受到鸡油香味，不过饭粒唔够干身，略嫌美中不足。豆腐斑腩煲味道偏咸，不过无论火腩或斑腩都十分入味。包围著斑腩嘅面粉比较厚，薄一点比较好。蒸肉饼用料十分丰富，除了鱿鱼粒之外，还有冬菇粒，而且唔系寥寥数粒敷衍了事。不过肉饼本身比较硬身，靓嘅蒸肉饼应该一「笃」就开。而且肉饼颜色太白，虽然唔会影响味道，但观感上逊色一点。炒通菜有点喜出望外，最初以为会很油腻，但出嚟嘅效果反而唔系油淋淋，菜亦炒得比想像中清爽。前文虽然赞多弹少，不过用膳完毕之后笔者皮肤出现大面
闻说这里嘅海南鸡被誉为全港最好食的，网上评论亦褒多贬少，笔者嘅体验有少少出入。鸡肉系全去骨，所拣选嘅鸡唔肥，皮够晒薄，不会有肥腻感。鸡腿嘅肉质当然嫩滑，不过鸡胸肉就比较鞋身。笔者亦观察到网上讨论话海南鸡用浸制法煮，所以鸡味已浸去。不过笔者曾经在印尼街边档食过有鸡味嘅海南鸡，同样做到皮薄肉嫩，想是鸡嘅本质吧。话说回来，这里嘅鸡油饭是十分出色的，饭粒粒金黄，入口即能轻易感受到鸡油香味，不过饭粒唔够干身，略嫌美中不足。
豆腐斑腩煲味道偏咸，不过无论火腩或斑腩都十分入味。包围著斑腩嘅面粉比较厚，薄一点比较好。蒸肉饼用料十分丰富，除了鱿鱼粒之外，还有冬菇粒，而且唔系寥寥数粒敷衍了事。不过肉饼本身比较硬身，靓嘅蒸肉饼应该一「笃」就开。而且肉饼颜色太白，虽然唔会影响味道，但观感上逊色一点。炒通菜有点喜出望外，最初以为会很油腻，但出嚟嘅效果反而唔系油淋淋，菜亦炒得比想像中清爽。
前文虽然赞多弹少，不过用膳完毕之后笔者皮肤出现大面积红疹，太座亦感到十分口干，相信系厨师用咗不少味精。原本想俾笑面，因此理由要降低评价了。
半只海南鸡九十蚊，其他小菜每样五十八蚊，共银二百七十六蚊。
张贴
