榮昌茶座

营业中

休息中

好多人觉得阿苏写食评有偏见，好多阿苏话好食嘅食肆其实不外如是。不过笔者认为凡牵涉个人意见唔多唔少都会有偏见，纯粹作为参考已可，不需要太认真对待。关于此半露天茶座，阿苏唔止一次话呢度嘅菠萝包好味，所以笔者是日亲身体验一下。笔者除咗叫咗菠萝油之外，还叫咗一个白汁蛋碎牛角包茶餐。令外，一齐嚟嘅同事叫了香煎猪扒出前一丁。以笔者嘅记忆，此店出产嘅菠萝包系最香的了，不但甜酥皮十分松软，而且如阿苏所讲唔界口之余，亦唔会轻易脱落。未入口，一阵又一阵嘅面包香气及酥皮香甜气味直扑入鼻。相反，笔者完全感受唔到牛油味，有两个可能，一是用嘅唔系牛油而系margarine；其次牛油份量不足。但不大要紧，单是菠萝包已经系一件极品。同事嘅猪扒望落有点油腻，偷吃一小块，发觉肉质松软，没有梳打粉嘅痕迹；至于白汁蛋碎牛角包，只是普通货色而已。茶餐一份廿四蚊，猪扒出前一丁廿六蚊(福字面可以悭两蚊)；菠萝油六蚊一个，虽比一般嘅贵，但笔者断言绝对值得呢个价钱。