太興 (已結業)

連鎖式經營嘅食肆筆者甚少幫襯，因為冇餐廳個性之餘，亦唔會有什麼驚喜。是晚去太興，最主要係趕著番屋企睇劇集大結局。太興由一間只賣燒味嘅舖頭，發展成宜家嘅規模，兼且供應燒味以外嘅食物，殊不簡單。不過，論食物嚟講，始終以燒味給筆者最大信心。所以筆者與太座分別叫咗切雞、义燒飯再自行雙拚。在香港食雞，一向期望不大，一則一般食肆好少有新鮮雞供應，二則現代嘅食用雞基因已變，一味令雞生肉及肥，肉味越來越少。太興嘅雞係冰鮮雞，雞肉已失去應有彈性，飯本身亦過硬，影響消化。义燒本來指定用半肥瘦，結果瘦的佔超過95%。幸好义燒醃得夠入味(其實有點偏鹹)，送飯亦可，其餘的也乏善可陳。單拚一份四十七蚊，如果雙拚係五十蚊，兩人同行自製雙拚，共慳了六蚊。這種時勢，要知慳識儉。