影片
更多
2009-05-19
122 浏览
星期一，同学聚旧。超过十年之后再聚头，或事业有成，或已组织家庭，样貌虽然冇大变，但大家已不是当年读书时嘅黄毛小子。比起十数年嘅情谊，今次聚会嘅地点「泰丰楼」嘅历史，可谓小巫见大巫。举头一望天花上嘅挂灯，刻著「一九六一年」嘅字样，差不多五十年嘅历史，当中不知多少次成为老友聚旧之处。「泰丰楼」系老字号京菜馆，与附近嘅「鹿鸣春」可谓齐名。著名菜色有紫铜炉涮羊肉、鱼、羊饺子等传统北方菜式。每次嚟到都会散叫，反而呢度嘅套餐，今趟还是第一次。三色拼盘 – 包括醉鸡、海蜇及五香牛展。醉鸡完全冇酒香味，似冰镇鸡多啲，不过口感都算嫩滑。至于鸡味，在香港已经好难食得到有鸡味嘅鸡了；海蜇爽脆弹牙，口感可以；五香牛展也算入味，咬落隐发甘香，肉质松软，不费牙骹多少劲；醋溜桂鱼 – 酸甜嘅比例刚好，用了桂鱼，鱼肉质素有了保证，火喉恰当，鱼肉亦冇蒸得过老嘅情况出现。如果桂鱼本身能够炸得更松化的话，分数会更加高；铁板宫保明虾 – 话明系宫保，味道应以酸甜为主而又带一点辣，可惜酸甜味是有的(其中以甜味过多了)，辣味似乎欠奉，而且虾肉唔弹牙有少少霉霉地，似乎用料不太新鲜，食后皮肤老毛病发作，更加证明虾肉唔新鲜；芙蓉三鲜
「泰丰楼」系老字号京菜馆，与附近嘅「鹿鸣春」可谓齐名。著名菜色有紫铜炉涮羊肉、鱼、羊饺子等传统北方菜式。每次嚟到都会散叫，反而呢度嘅套餐，今趟还是第一次。
三色拼盘 – 包括醉鸡、海蜇及五香牛展。醉鸡完全冇酒香味，似冰镇鸡多啲，不过口感都算嫩滑。至于鸡味，在香港已经好难食得到有鸡味嘅鸡了；海蜇爽脆弹牙，口感可以；五香牛展也算入味，咬落隐发甘香，肉质松软，不费牙骹多少劲；
醋溜桂鱼 – 酸甜嘅比例刚好，用了桂鱼，鱼肉质素有了保证，火喉恰当，鱼肉亦冇蒸得过老嘅情况出现。如果桂鱼本身能够炸得更松化的话，分数会更加高；
铁板宫保明虾 – 话明系宫保，味道应以酸甜为主而又带一点辣，可惜酸甜味是有的(其中以甜味过多了)，辣味似乎欠奉，而且虾肉唔弹牙有少少霉霉地，似乎用料不太新鲜，食后皮肤老毛病发作，更加证明虾肉唔新鲜；
芙蓉三鲜 – 与赛螃蟹类似嘅菜式，都系以蛋白为主，加上草菇、虾球等「三鲜」。笔者对𩠌菜加上玻璃茨抱中性态度。不过以上嘅配搭，效果有点不伦不类，好似近日电视台某节目女明星自创菜式，唔知点收科就埋一个玻璃茨一样；
北京填鸭 – 是全晚比较满意嘅一道菜。皮烤得金黄香脆，鸭肉亦肥美嫩滑，除了近尾部位置脂肪层比较厚之外，大部分片皮鸭嘅肥瘦分布都算适中。薄饼皮烘得比较干身，系正统嘅做法，不是一般市面上用水蒸，令薄饼软绵绵。而且薄饼面上还有芝麻，更加进食时嘅香口感；
红烧鲍片 – 以罐头鲍配生菜炆。罐头鲍质素当然唔会寄予厚望，食落感觉更不如，因为鲍片鞋口；生菜加厚身豉油茨，也没有什么可讨论；
铁板炒面 – 声势可真的唔小嘢，铁板烧得火红，一落面，「喳喳」声，先声夺人。可能为避免面条「痴」底，用了比较多油，令整度菜较为油腻，一众友人食过一巡之后，迅速放软手脚；
叉子烧饼拼榨菜肉末 – 叉子烧饼制作得几出色，外表香脆，充满芝麻香味，内里如酥皮般重门叠户，属上乘之作；榨菜肉末切得十分细小，但大小如一，厨房嘅刀功可见一斑。放入烧饼内，烧饼嘅香与榨菜肉末嘅咸、鲜味共冶一炉，为之前比较失望嘅菜式挽回少许面子；
鸭架冬瓜汤 – 服务员预先分好，一人一碗，每碗都有一旧煮得老到几乎如「泰丰楼」一样嘅豆腐。这么差劲嘅豆腐，无谓舀出嚟影响食欲！笔者那一碗还附送工蚁一只，卫生一栏要扣分；
高力豆沙 – 奉上嘅时候温度虽然略冻，但蛋香依然，内里嘅不太甜，十分适合盛宴过后食用，减轻味觉及肠胃负担。
全单共银一千二百蚊有找，一行八人，平均每人大约一百五十蚊。论套餐质素，坦白就，实在不敢恭维。与其信菜馆嘅组合介绍，还是靠自己嘅经验散叫为上。
张贴
