影片
更多
2009-06-10
91 浏览
星期六，太座与朋友J于铜锣湾置新装。及后与笔者会合，一同往跑马地晚膳，地点正是朋友J屋企附近嘅「正斗」。本地嘅粥面，以几家人为首，其后发展出「池记」、「麦奀记」、「何洪记」、「刘森记」等著名粥面食府，闻说皆各自胜长。月前试过了「刘森记」，笔者觉得其虾子捞面水准不过矣矣。今次嚟到「正斗」，当然唔会错过其出品嘅虾子捞面。论其虾子捞面，可分几方面详谈。首先系随捞面奉上嘅汤料，入口清甜甘香，唔似有落过味精，相信有落足够嘅大地鱼及猪骨肴制而成，以同样嘅汤底所泡制嘅牛肉汤面也非常出色；面条爽口又弹牙，绝无碱水味，属上佳之选；虾子份量虽然唔慷慨，但充满虾子咸香，只需少许份量，已足够令平淡嘅面条生色不少。太座嘅北菇滑鸡粥，笔者只尝了一口而已。但此份量已足够体会到粥底够绵之外，鸡肉亦很滑。材料亦十足，瑶柱份量不少，令粥品更添香味，为咗令粥底味道更出色，相信小量嘅味精是走不了的。蚬芥炸鲮鱼球材料充实，鲮鱼肉大幅多于面粉，所以鲮鱼球咬落十分弹牙，放凉之后亦唔会因为面粉过多而收缩皱皮。出色嘅食物通常都有代价。这里嘅粥粉面比一般嘅昂贵，普通一碗粥或面都要五十蚊先有交易。三个人要二百四十三蚊埋单，平均每人八十一蚊
本地嘅粥面，以几家人为首，其后发展出「池记」、「麦奀记」、「何洪记」、「刘森记」等著名粥面食府，闻说皆各自胜长。月前试过了「刘森记」，笔者觉得其虾子捞面水准不过矣矣。今次嚟到「正斗」，当然唔会错过其出品嘅虾子捞面。
论其虾子捞面，可分几方面详谈。首先系随捞面奉上嘅汤料，入口清甜甘香，唔似有落过味精，相信有落足够嘅大地鱼及猪骨肴制而成，以同样嘅汤底所泡制嘅牛肉汤面也非常出色；面条爽口又弹牙，绝无碱水味，属上佳之选；虾子份量虽然唔慷慨，但充满虾子咸香，只需少许份量，已足够令平淡嘅面条生色不少。
太座嘅北菇滑鸡粥，笔者只尝了一口而已。但此份量已足够体会到粥底够绵之外，鸡肉亦很滑。材料亦十足，瑶柱份量不少，令粥品更添香味，为咗令粥底味道更出色，相信小量嘅味精是走不了的。
蚬芥炸鲮鱼球材料充实，鲮鱼肉大幅多于面粉，所以鲮鱼球咬落十分弹牙，放凉之后亦唔会因为面粉过多而收缩皱皮。
出色嘅食物通常都有代价。这里嘅粥粉面比一般嘅昂贵，普通一碗粥或面都要五十蚊先有交易。三个人要二百四十三蚊埋单，平均每人八十一蚊。价钱是贵了一点，但换来出色嘅美食，也是值得的。
张贴
