Cafe on the Corner (已結業)

星期日，阳光大量供应，唔去沙滩日光浴，睇楼都系一个唔错嘅节目。也是与铁脚J及madam同行，于大坑道一带活动。倦极，回到浣沙街附近，就在街角发现一间café 仔，便入内歇一歇。大约在下午五时钟，晚市未开始，人流不多。坐在店内唯一嘅梳化座位，闲适地望一望街外人嘅种种，是一件赏心乐事。笔者叫了一杯特饮 - 蜜桃荔枝梳打($38)，味道只是一般嘅蜜桃梳打，加几粒荔枝肉，但胜在够冻，在炎热嘅夏日，有效驱除暑气。行得耐，大家都有肚空空嘅感觉，所以点了数款小食：虾沙律($58)用了几只瘦瘦嘅虾肉，卖相并不吸引，但蔬菜嘅款式胜在够多(可惜冇火箭菜)；焗酿蘑菇($26)虽用了芝士、碎烟肉等浓味馅料，但味道不知何故比较淡，而且香气也微弱；水牛城辣鸡翼($48)比较硬身，不过酸辣度调较得宜，吃完很开胃。埋单共银二百八十九蚊，平均每人七十二蚊。迟来嘅下午茶，价钱系少少意料之外嘅高，不过坐得舒服，算是值回票价。