影片
更多
2011-05-10
25 浏览
平时同屋企人或者朋友身处于中环一带,都好少会慢慢食慢慢倾,专程去酒楼食饭!我地通常只系会去美心或者大家乐等快餐店医肚,随随便便就系一餐,因为系我地印象中呢几间集团旗下分店嘅食物,环境,服务,卫生各方面质素都唔错,而且价钱化算,令我地对佢有信心!不过今次适逢有亲戚系外国返来,当然要好好地食餐饭聚吓旧!经由长辈嘅安排之下,就订咗喜悦中环店嘅龙虾燕窝全包宴!我地去到果阵都几好生意,好多人食火锅,我地订咗就唔使等位!喜悦中环店系我首次帮衬,总算冇令我地失望,各方面质素都唔错,而且价钱化算!味道方面,今次12个人叫咗龙虾燕窝全包宴,味道皆唔错!食物包括1)上汤焗加拿大龙虾:龙虾尚算新鲜,上汤味道溶入倒落龙虾肉中!分量以呢个价来讲就算系咁!(2)鸿运乳猪全体:乳猪皮几脆,不过肉就太肥啰!(3)沙律百花酿蟹拑:蟹拑嘅肉几弹牙,但系冇乜鲜味!蟹拑外皮都够脆!(4)XO酱翡翠富贵蚌:蚌片都几够淋!不过唔系几食倒XO酱嘅香味,净系有少少辣辣地!(5)松露鸡茸烩燕窝:同其他酒楼一样唔系好觉有所谓嘅松露同燕窝,只系冇翅环保而攞分!(6)清蒸大海花斑:条鱼蒸嘅时间控制得唔错,鱼肉离骨得来又几滑!(7)红烧肘子砂
味道方面,今次12个人叫咗龙虾燕窝全包宴,味道皆唔错!食物包括:
(1)上汤焗加拿大龙虾:龙虾尚算新鲜,上汤味道溶入倒落龙虾肉中!分量以呢个价来讲就算系咁!
(2)鸿运乳猪全体:乳猪皮几脆,不过肉就太肥啰!
(3)沙律百花酿蟹拑:蟹拑嘅肉几弹牙,但系冇乜鲜味!蟹拑外皮都够脆!
(4)XO酱翡翠富贵蚌:蚌片都几够淋!不过唔系几食倒XO酱嘅香味,净系有少少辣辣地!
(5)松露鸡茸烩燕窝:同其他酒楼一样唔系好觉有所谓嘅松露同燕窝,只系冇翅环保而攞分!
(6)清蒸大海花斑:条鱼蒸嘅时间控制得唔错,鱼肉离骨得来又几滑!
(7)红烧肘子砂窝津胆:呢款菜式全包宴好少有,又系个新尝试!
(8)当红脆皮炸子鸡:皮又香又脆,鸡肉又滑,简直系皮脆肉嫩!
(9)瑶柱蛋白炒饭:瑶柱唔见影,但系都几有镬气!
(10)滋润甜品:红豆沙味道够甜!红豆粒分量适中!
(11)环球生果盘:生果唔系几甜,不过亦系市面上生果嘅趋势!
环境方面,喜悦中环店装修咗年几,地方有少少残旧,佢嘅装修设计唔系而家普遍酒楼走嘅豪华或高雅路线,反而系较为富时代感同新潮!佢都几先进架,有引入电脑座位分配系统(电脑票,电视屏幕显示叫号及电脑声音叫号),自动感应水龙头,自动感应枧液机等先进设备,又设置多部电视机!呢个舖虽然系几大,不过分咗3层,视野唔够广阔,仲系身处于比较旧嘅楼宇中,有柱多,横梁多及楼底矮等等嘅问题,坐得唔系几自在!
服务方面,中规中矩啦,大部分服务员做野都有效率,仲同我地推介火锅优惠!如果各个服务员有多D适当嘅笑容就好啦!
卫生方面,碗碟比较污糟,地方挤迫,洗手间地下几湿!
抵食方面,星期五晚帮衬$1888包11款菜式,鲜橙汁2渣,12位茶芥及加一服务费,算系咁!
整体来讲,呢个龙虾燕窝全包宴价钱化算!至于食物,环境,服务,卫生各方面质素都唔错,值得嚟帮衬!
张贴
