影片
更多
2011-03-08
108 浏览
平时同朋友系下午身处于湾仔至铜锣湾一带，如果想慢慢食慢慢倾，都会帮衬稻香皇室堡店或者稻香信和广场店，因为系我地印象中稻香集团旗下分店嘅食物、环境、服务、卫生各方面质素都唔错，而且价钱化算，令我地对佢有信心!今次又系同朋友系下午身处于湾仔至铜锣湾一带，大家又想慢慢食慢慢倾，呢度附近嘅稻香集团分店只有稻香北海中心店未帮衬过，所以一致决定咗帮衬稻香北海中心店啦!我地去到果阵都几好生意，好在只系等咗一阵就有位啦!稻香北海中心店系我首次帮衬，总算冇令我失望，各方面质素都唔错，而且价钱化算呀!味道方面，今次3个人叫咗几款点心、1碗切鸡米线、1碗切鸡河粉同埋1碗切鸡生面，味道皆唔错!食物包括1)切鸡米线:切鸡肉质算滑，但系冻冰冰又未够熟!米线口感唔错，分量足够!汤味尚算讨好，咸淡适中!(2)切鸡河粉:切鸡肉质算滑，但系冻冰冰又未够熟!河粉唔薄又淋，分量足够!汤味尚算讨好，咸淡适中!(3)切鸡生面:切鸡肉质算滑，但系冻冰冰又未够熟!生面口感算爽，分量足够!汤味尚算讨好，咸淡适中!(4)香茜牛肉肠:牛肉分布平均，可惜冇乜口感，味道较为清淡!肠粉皮厚咗少少!(5)豉汁蒸排骨:排骨新鲜入味，离骨易食!酱汁嘅
味道方面，今次3个人叫咗几款点心、1碗切鸡米线、1碗切鸡河粉同埋1碗切鸡生面，味道皆唔错!食物包括:
(1)切鸡米线:切鸡肉质算滑，但系冻冰冰又未够熟!米线口感唔错，分量足够!汤味尚算讨好，咸淡适中!
(2)切鸡河粉:切鸡肉质算滑，但系冻冰冰又未够熟!河粉唔薄又淋，分量足够!汤味尚算讨好，咸淡适中!
(3)切鸡生面:切鸡肉质算滑，但系冻冰冰又未够熟!生面口感算爽，分量足够!汤味尚算讨好，咸淡适中!
(4)香茜牛肉肠:牛肉分布平均，可惜冇乜口感，味道较为清淡!肠粉皮厚咗少少!
(5)豉汁蒸排骨:排骨新鲜入味，离骨易食!酱汁嘅豆豉香味讨好!
(6)蚝皇鲜竹卷:馅料及水分足够，虾粒同埋蔬菜新鲜!鲜竹皮几嫩，蚝油酱汁味道鲜甜!
(7)蚬蚧鲮鱼球:鲮鱼球香口，鱼肉搅得碎唔怕有鱼骨!蚬蚧酱汁惹味!
(8)香麻叉烧酥:叉烧入味，分布平均!酥皮淋咗少少，芝麻足够!可惜整件叉烧酥太细，好似小童餐咁!
(9)姜汁鸡包仔:馅料惹味丰富，姜味香浓!包面亦够松软!
(10)日式煎饺子:馅料入味，汤汁鲜甜充足，仲几香口!
(11)潮州蒸粉果:馅料普通，味道适中!粉果皮厚咗少少!
(12)竹笙碗仔翅:味道讨好，仲有好多肉丝同埋粉丝等材料!
(13)家乡酿茄子:茄子及鱼饼都香口，不过油分多咗少少!
环境方面，稻香北海中心店装修咗几年，地方都唔算残旧，佢嘅装修设计同稻香皇室堡店及稻香信和广场店一样较为富时代感同新潮!佢都几先进架，有引入电脑座位分配系统(电脑票、电视屏幕显示叫号及电脑声音叫号)、自动感应水龙头、自动感应枧液机等先进设备，至于电视机比较少啰!呢个舖都几大，又够通透，又唔系身处于比较旧嘅楼宇中，冇柱多、横梁多及楼底矮等等嘅问题，整体都坐得舒适!
服务方面，中规中矩啦，大部分服务员做野都有效率，算几有礼貌!如果各个服务员有多D适当嘅笑容就好啦!
卫生方面，碗碟尚算干净，地方企理，洗手间尚算干爽!
抵食方面，星期二下午茶时段茶位$6，各款点心嘅价钱都大众化，算几抵食!
整体来讲，各款点心价钱化算又多选择!至于食物、环境、服务、卫生各方面质素都唔错，值得嚟帮衬呀!
张贴
