影片
更多
2011-08-08
825 浏览
为食嘅我又有饭聚!平时同屋企人系西营盘至上环一带,若果想慢慢食慢慢倾,通常会帮衬明星西营盘店或者富临联发商业中心店!因为系我地印象中呢两间集团旗下分店嘅食物,环境,服务,卫生各方面质素都算唔错,价钱唔算太贵,系间中至失手,相比嚟讲我地对佢较为有信心!中国人就最注重家庭伦理关系架勒,今次难得住系加拿大嘅亲戚返港,大家当然要抓紧机会坐埋一台食餐饭倾吓计,珍惜相处嘅时光!经过长辈安排之下,再就埋时间,就决定成家人去明星西营盘店饮茶!我地去到果阵都相当热闹,企满成个接待大堂,不过好在呢个舖位几大,座位数目较多,因而安排座位效率相对较高,等咗一阵就有位!今次我地分开两台坐,部分相片真系要多谢某亲戚提供!呢度我地成日都帮衬,今次总算冇令我地失望,各方面质素都算唔错,价钱唔算太贵!味道方面,今次两枱共13个人叫咗多款点心,炒粉面同埋汤粉面,结合屋企人同埋自己嘅评价,味道皆算唔错!食物包括1)芝士海虾焗伊面:海虾肉质较腍,似乎唔多新鲜!伊面质感正常,分量足够!芝士汁味道讨好,味道可更突出!(2)干炒排骨河:排骨几惹味,但系骨多肉少!河粉几爽口几入味,分量足够!整碟油分较多,未够干身!(3)豉椒牛肉炆米
味道方面,今次两枱共13个人叫咗多款点心,炒粉面同埋汤粉面,结合屋企人同埋自己嘅评价,味道皆算唔错!食物包括:
(1)芝士海虾焗伊面:海虾肉质较腍,似乎唔多新鲜!伊面质感正常,分量足够!芝士汁味道讨好,味道可更突出!
(2)干炒排骨河:排骨几惹味,但系骨多肉少!河粉几爽口几入味,分量足够!整碟油分较多,未够干身!
(3)豉椒牛肉炆米:牛肉好有咬口,系有少少筋!米粉几有豉椒香,分量足够!整碟够干身,唔怕太油!
(4)凤爪排骨饭:凤爪皮肉厚,好丰富!排骨几惹味,肉质够腍!大部分米饭粒粒分明,面头就烂D!整笼配合豉油,认真惹味!
(5)叉烧河粉:叉烧蜜味突出,肥瘦适中!河粉未完全散开,唔够薄身!汤味偏甜,感觉稍怪!
(6)叉烧米线:叉烧蜜味突出,肥瘦适中!米线稍硬,未够软身!汤味偏甜,感觉稍怪!
(7)烧腩河粉:烧腩肥瘦分明,皮亦几脆!河粉未完全散开,唔够薄身!汤味偏甜,感觉稍怪!
(8)烧腩米线:烧腩偏肥,皮就几脆!米线稍硬,未够软身!汤味偏甜,感觉稍怪!
(9)切鸡米线:切鸡几有鲜味,肉质嫩滑!米线稍硬,未够软身!汤味偏甜,感觉稍怪!
(10)烧鸭河粉:烧鸭肉质嫩滑,皮又够脆!河粉未完全散开,唔够薄身!汤味偏甜,感觉稍怪!
(11)原只鲜虾肠:鲜虾新鲜入味,好有咬口!肠粉皮就偏厚,未见晶莹剔透!
(12)蒜香蒸鲜鱿:鲜鱿几惹味,充满蒜香又带点辣!翼同须分配平均,感觉多元化!
(13)姜葱牛柏叶:牛柏叶几爽口,阵阵姜葱香亦好惹味!
(14)蟹籽烧卖:猪肉瘦得嚟又带点肥,质感肥美!虾肉亦不乏鲜甜,新鲜味美!
(15)香茜叉烧肠:叉烧蜜味突出,肥瘦适中!肠粉皮就偏厚,未见晶莹剔透!
(16)柱侯金钱肚:金钱肚稍硬兼几大旧,较为难咬!味道鲜美又带点辣,甚为惹味!
(17)豉汁蒸凤爪:凤爪皮肉厚,唔怕削!而且好入味,同D汁好夹!
(18)蚝皇鲜竹卷:馅料包含虾粒,猪肉同蔬菜粒,味道丰富!蚝汁鲜甜,味道突出!
(19)鸡丝蒸粉卷:馅料包含猪肉同蔬菜粒,味道稍浓!进食时有唔舒服嘅感觉,似乎味精颇多!
(20)浆爆流沙包:流沙馅流质程度好高,咬一口就一涌而出!流沙馅嘅蛋黄味香浓突出!包面亦好松软,整体水准甚高!
(21)金沙千层糕:千层糕只有三层,而且好干身!蛋黄味唔突出,蛋黄粒亦唔多!千层糕似普通蛋糕,有D货不对版!
(22)家乡煎薄:薄煎得几香口,不过厚咗少少!馅料包含葱花同火腿粒,味道几夹!
(23)芋丝炸春卷:馅料芋丝及配料好惹味,味道颇浓!春卷炸得几脆,又够热辣辣!
(24)黄金叉烧酥:叉烧蜜味突出,肥瘦适中!酥皮有少少腍,唔够香口!
(25)酸甜炸云吞:云吞皮都几脆,仲系热辣辣嘅!虾粒比较细,不过都几新鲜!
(26)安虾咸水角:馅料肉粒及配料分量恰好,味道咸淡适中!炸物嘅皮稍厚,不过仍然香口!
(27)香煎酿青椒:青椒同鱼茸好香口兼紧贴唔散开!唯鱼茸有长鱼骨!另附带豉香兼稍辣嘅汁,非普通豉油!
(28)香煎酿茄子:两者煎得好香口但未完全紧贴!茄子唔太生唔太老,选材恰当!同样另附带豉香兼稍辣嘅汁,非普通豉油!
(29)时菜鲮鱼球:鲮鱼球有鲜味亦唔怕腥!佢亦唔算沟咗好多梳打粉,都叫真材实料!鲮鱼未完全搅碎,有长嘅鱼骨!
(30)山竹牛肉:牛肉球有唔少葱花同马蹄,味道适中,口感丰富!
(31)娥姐靓粉果:馅料包含虾粒,菜粒同葱花,味道都几夹,水分充足!可惜粉果蒸过火,好似唔够挺身!
(32)姜片鸡包仔:馅料肉粒,菇粒同葱花味道突出,反而姜味可更突出!馅料分量足够,包面亦几松软!
(33)怀旧糯米卷:糯米味道较淡,味可更浓!馅料亦不乏花生粒,包面亦几松软!
(34)生煎包:馅料系猪肉同葱粒混合,味道鲜甜!可惜唔够香口,卖相亦唔似真正生煎包!
(35)潮洲蒸粉果:馅料包含菜粒,粉葛同花生粒,味道几浓!粉果皮就太厚!
(36)蚝皇叉烧包:叉烧蜜味突出,肥瘦适中!酱汁味道适中,湿度恰好!馅料分量足够,包面亦几松软!
(37)迷你小笼包:小笼包馅料鲜甜味美,亦不乏汤汁!虽则唔系正宗小笼包,但系酒楼出品算系咁!
环境方面,明星西营盘店继2005装修后2010年再全面装修,地方都几新净!佢嘅装修唔系而家部分酒楼好新潮搞鬼嘅风格,而系较为高雅亦唔会太豪华嘅装修,高贵得嚟又带点现代感!不过佢自称为豪华酒店式装修,咁又好似夸张咗少少!佢设有顾客轮座电脑管理系统(列印轮候票,萤幕显示轮座状况及自动发声叫号),自动感应水龙头,自动感应枧液机等先进设备,先进与否就见仁见智!另外佢亦设有多部名牌大电视机,只可惜佢选择以模拟讯号输入频道播放!呢个舖位虽然系几大,不过位处于比较旧嘅楼宇中,有柱多,横梁多及楼底矮等等嘅问题,视野唔算广阔!另外台凳部分放得较挤迫,但部分都宽敞!整体总算坐得自在!
服务方面,中规中矩啦!大部分服务员做野都有效率,系加水就耐D!若果各个服务员有多少少笑容就更好!
卫生方面,碗碟尚算干净,地方都几企理,洗手间亦几干爽!
抵食方面,星期五下午茶时段茶位$6,大部分点心嘅价钱都唔算太贵,价钱可以接受!
整体嚟讲,大部分点心价钱唔算太贵!至于食物,环境,服务,卫生各方面质素都算唔错,系我地嘅要求嚟讲系合格嘅!当然各方面质素未系尽善尽美,仍然有改善嘅空间!不过我相信各方面质素再好,亦未及一家团聚果种温暖嘅好!
张贴
