夜上海 (已結業)

过年前公私两忙，搞到完全冇预备开年饭。年廿九先上OP search 尖沙咀饮茶逐间打去问，啱心水时间又有位嘅情况下拣咗“夜上海”。7个大人1个细路，叫咗15样点心小吃加1饭1年糕，啲嘢嚟得好快，加上冇乜特别，有几款冇影相。大家一致认为炸春卷热辣辣又香脆最好味；烟鸭有好香嘅熏味、黄桥烧饼外皮松化内里肉松软熟、牛肉馅饼外皮脆里面牛肉多汁带微辣都系水准以上。其余美极炒肠粉(2岁嘅姪女自己另外食咗一碟)、熏鱼、虾饺、烧卖、蟹粉饺、牛肉球、叉烧包、福建炒饭、上海炒年糕都唔错。花雕醉鸡冇酒味、海蜇萝白非常普通、高力豆沙唔够热蛋白唔够松就争啲啲。部分服务员有啲游魂咁。不过冇折嘅情况下都系$220一个人(姪女当半个计)几抵食。