影片
更多
2015-09-13
1700 浏览
2015.09.03【9. 3 英法联军，俘虏味蕾~滋味行TASTY ROAD】难得一次嘅纪念假期，当然要同E美女聚一聚。中午时分由铜锣湾逛到中环，花钱SHOPPING时，医肚就简单啲，一直用鱼蛋、豆浆充饥，继续由尖咀逛到旺角直到傍晚，行到双脚冇力，就揾间特色店食吓嘢、休息吓、睇番吓啲战利品。好喜欢呢只绿色，被佢吸引住，可能同HKU的COLOUR TONE近似，有黑板 “涂鸦”(其实系店舖宣传)，令人怀念无忧无虑嘅校园生活，加上E美女爱咖啡，就咁我哋入去食啦。我就唔系好识咖啡，但成个环境都有好多好专业嘅冲咖啡工具，所以我都忍唔住对佢影咗几张相，MENU最后一页系手绘，又系我杯茶，所以饮品我决定由呢页。我ORDER冰蜜桃茶，E美女ORDER冰蓝柑桔菠萝苏打，冰蜜桃茶有香香蜜桃味，唔太甜，绝对唔系铁罐蜜桃茶。冰蓝柑桔柠檬苏打，冰蓝撞柠檬黄，颜色透心凉，相信应该几解渴。2001年法国电影<<Amelie>>,女主角钟意焦糖炖蛋刚好呢度有焦糖炖蛋挞一定要叫，学吓Amelie，用匙羹敲脆脆焦糖表面，薄薄的蛋挞皮，咬落去质感又有啲似CHEESE CAKE，好得意，爱
难得一次嘅纪念假期，
当然要同E美女聚一聚。
中午时分由铜锣湾逛到中环，
花钱SHOPPING时，
医肚就简单啲，
一直用鱼蛋、豆浆充饥，
继续由尖咀逛到旺角
直到傍晚，
行到双脚冇力，
就揾间特色店食吓嘢、休息吓、睇番吓啲战利品。
好喜欢呢只绿色，被佢吸引住，可能同HKU的COLOUR TONE近似，有黑板 “涂鸦”(其实系店舖宣传)，令人怀念无忧无虑嘅校园生活，
加上E美女爱咖啡，就咁我哋入去食啦。我就唔系好识咖啡，但成个环境都有好多好专业嘅冲咖啡工具，
所以我都忍唔住对佢影咗几张相，MENU最后一页系手绘，又系我杯茶，
所以饮品我决定由呢页。
我ORDER冰蜜桃茶，
E美女ORDER冰蓝柑桔菠萝苏打，
冰蜜桃茶有香香蜜桃味，唔太甜，绝对唔系铁罐蜜桃茶。
冰蓝柑桔柠檬苏打，冰蓝撞柠檬黄，颜色透心凉，相信应该几解渴。
2001年法国电影<<Amelie>>,女主角钟意焦糖炖蛋刚好呢度有焦糖炖蛋挞
一定要叫，学吓Amelie，
用匙羹敲脆脆焦糖表面，
薄薄的蛋挞皮，咬落去质感又有啲似CHEESE CAKE，
好得意，爱焦糖炖蛋挞同CHEESE CAKE人士必须试。
去CAFÉ,一定要叫同咖啡相关嘅饮品同食品，
雪糕咖啡同卖相独特嘅咖啡豆窝夫(Coffeettee)喺今次滋味行嘅新体验，
雪糕咖啡，如果妳唔捞匀，底部嘅斋啡系非常苦涩，而雪糕又非常甜，两者捞匀后，等佢溶少少，妳会饮到奶昔状咖啡，第一次，感觉好新鲜。
至于咖啡豆窝夫(Coffeettee)又系有心思，造型成粒咖啡豆嘅窝夫，完全表达呢间店系有心做咖啡，
要咗Cookies and cream口味，
有oreo 、可可脆卷同焦糖香蕉配住碎曲奇朱古力雪糕(我觉得雪糕应该系Dreyer's)
以上嘅法国代表实在令人心动。
跟住叫咗英法国代表，炸鱼薯条(FISH & CHIPS)
噢，一食不得了，
妳唔会再想食M记的炸鱼食品同薯条，
呢个炸鱼肉嫩，同埋食得出薯条系真薯仔(咁妳明啦)，
点唔点茄汁、BBQ酱、特制SAUCE都得，
要得到最滋味当然系唔点啦，
食咗呢个真系好有冲动去UK，
怕就怕会肥啫，因为油炸，所以叫一人份量，
五饼二鱼分咗佢。
再叫一个烟三文鱼忌廉芝士比高包，好喜欢佢好似JAMIE OLIVER喺TV SHOW咁上菜，
好有FEEL好正，
馅料简单又好味:烟三文鱼、生菜同蓄茄。
原来E美女想储吓钱开CAFÉ，
所以佢一放假出街饮嘢食嘢，一定离唔开CAFÉ，
我谂以后同佢出街，会试唔同咖啡，
今日呢餐英法联军，俘虏咗我味蕾啦。
题外话/补充资料：
情侣谈心都OKAY，年青人较多
(以上食记乃用户个人意见 , 并不代表OpenRice之观点。)
张贴
