影片
更多
2015-09-20
718 浏览
2015.09.19【9. 19 女子烧味，好烧味~滋味行TASTY ROAD】下昼入西湾河帮朋友做义工(DESIGN 方面)，开工之前自然要医饱个肚，一出地铁就见到有间店叫女子烧味，就系觉得得意就入咗去。(其实佢写嘅系好烧味，系我会错意，哈哈。)环境似茶餐厅，黑板上写嘅是日午餐同是日晚餐就系啦。好抵嘅学生餐，不过我哋唔适用，伤心。枱上嘅餐牌就完全系烧味嘢啦。识得食烧味，梗系要做食肉兽啦，所以叫咗脆皮腩仔 （例牌） 、熏蹄（例牌）、红烧乳鸽。脆皮腩仔，个皮差唔多有两2mm厚，哗，劲脆，即使食咗其他嘢再回头食佢，个脆依然好脆，几好。熏蹄好正，有酒楼水准，如果有埋海蜇一齐就更好啦。忽然发现冇叫饭，所以好好奇咁叫一个有怪怪名字嘅饭嚟试吓--核蛋叉烧饭核弹定核蛋呢?饭到，谜底就自动解开，原来系一只温泉蛋，上枱时只蛋仲震震吓，非常有趣，叉烧颜色同形状都唔似其他烧味舖，当然要马上试吓。哦，原来同屋企一样，用日本蛋，流心程度一流，不过我唔会喺屋企整啰，嘥时间同心机，所以今日食到都几开心，捞饭一流。叉烧嘅质感同猪颈肉好相似，肥瘦适中，烟烟韧韧，口感唔错。烧味舖一向都有卖乳鸽，但味道始终唔及沙田果边好味
下昼入西湾河帮朋友做义工(DESIGN 方面)，开工之前自然要医饱个肚，一出地铁就见到有间店叫女子烧味，就系觉得得意就入咗去。(其实佢写嘅系好烧味，系我会错意，哈哈。)
环境似茶餐厅，黑板上写嘅是日午餐同是日晚餐就系啦。
好抵嘅学生餐，不过我哋唔适用，伤心。
枱上嘅餐牌就完全系烧味嘢啦。识得食烧味，梗系要做食肉兽啦，所以叫咗脆皮腩仔 （例牌） 、熏蹄（例牌）、红烧乳鸽。
脆皮腩仔，个皮差唔多有两2mm厚，哗，劲脆，即使食咗其他嘢再回头食佢，个脆依然好脆，几好。
熏蹄好正，有酒楼水准，如果有埋海蜇一齐就更好啦。忽然发现冇叫饭，所以好好奇咁叫一个有怪怪名字嘅饭嚟试吓--核蛋叉烧饭
核弹定核蛋呢?饭到，谜底就自动解开，原来系一只温泉蛋，上枱时只蛋仲震震吓，非常有趣，叉烧颜色同形状都唔似其他烧味舖，当然要马上试吓。
哦，原来同屋企一样，用日本蛋，流心程度一流，不过我唔会喺屋企整啰，嘥时间同心机，所以今日食到都几开心，捞饭一流。
叉烧嘅质感同猪颈肉好相似，肥瘦适中，烟烟韧韧，口感唔错。
烧味舖一向都有卖乳鸽，但味道始终唔及沙田果边好味，饿咗两个月，见到呢度有，又叫番只嚟解吓相思之苦，热辣辣咬落去，皮脆肉嫩，啲油流落去碗饭，别有一番滋味。
饮番杯，当然系冻柠冻啡。饮饱食醉，脑力开工，设计至上。
张贴
