影片
更多
2015-10-26
300 浏览
2015.10.16【对你感激难尽，“特别谢师宴”~滋味行TASTYROAD】 “返学” 返咗一个月，“钟SIR”成日都教我好多嘢，又成日明地同暗地里帮我，小妹非常感激，所以鼓起勇气请“钟SIR”食饭，当作“特别谢师宴”。“钟SIR”系个有要求嘅人，佢就上OPENRICE,选咗呢个餐厅。到食呢日，入到嚟，“钟SIR”话呢度私隐度高。早到有早嘅好处，好NICE嘅STAFF由我哋拣坐边，布置好有气氛，加上BOLLYWOOD音乐好正，令星期五晚更轻松。话明“谢师宴”，当然要由“钟SIR”话事，但佢真系好绅士好细心，首先会问我食唔食羊呀等等，仲系都要我点番个DISH，曾经放洋留学嘅佢英文好，由佢同STAFF沟通最好。佢叫咗羊咖哩同芝士烩菠菜茸，我钟意虾，当然叫印度烧烤虾。“钟SIR”话有菜有肉平衡啦。食得印度菜多，你会知道胡椒饼要脆先好食，呢间餐厅做得到，三款SAUCE，红色最辣，啡色最好，酸酸甜甜，劲正。NAAN好出色，热辣辣，又软绵绵。“钟SIR”唔想冻咗NAAN，将我手上NAAN抢去，系都要一块NAAN两份分。芝士烩菠菜茸都系第一次试，爱芝士嘅我真心觉得“钟SIR”点得好，放上NAAN，
ROAD】
“返学” 返咗一个月，“钟SIR”成日都教我好多嘢，
又成日明地同暗地里帮我，小妹非常感激，
所以鼓起勇气请“钟SIR”食饭，当作“特别谢师宴”。
“钟SIR”系个有要求嘅人，
佢就上OPENRICE,选咗呢个餐厅。
到食呢日，入到嚟，“钟SIR”话呢度私隐度高。
早到有早嘅好处，好NICE嘅STAFF由我哋拣坐边，布置好有气氛，加上BOLLYWOOD音乐好正，令星期五晚更轻松。
话明“谢师宴”，当然要由“钟SIR”话事，但佢真系好绅士好细心，首先会问我食唔食羊呀等等，
仲系都要我点番个DISH，
曾经放洋留学嘅佢英文好，由佢同STAFF沟通最好。
佢叫咗羊咖哩同芝士烩菠菜茸，
我钟意虾，当然叫印度烧烤虾。
“钟SIR”话有菜有肉平衡啦。
食得印度菜多，你会知道胡椒饼要脆先好食，
呢间餐厅做得到，
三款SAUCE，红色最辣，啡色最好，酸酸甜甜，劲正。
NAAN好出色，热辣辣，又软绵绵。
“钟SIR”唔想冻咗NAAN，
将我手上NAAN抢去，
系都要一块NAAN两份分。
芝士烩菠菜茸都系第一次试，爱芝士嘅我真心觉得“钟SIR”点得好，
放上NAAN，好夹。
羊咖哩就真心有啲辣，如果冇NAAN，真系唔知点算。
印度烧烤虾上枱，食咗一啖，知道系甜嘅，
我同“钟SIR”好似有救星，
开始食虾唔食羊。
平日我出街食饭，一定叫柠茶，但作为一个芒果控，
去印度餐厅，一定叫我最爱嘅芒果LASSI，厚实质感，好香甜嘅芒果味。
“钟SIR”呢杯柠檬饮品唔放甜，佢好劲。
有妈妈同BB嚟，BB扭计，我哋就睇到笑。后来，越来越多人入嚟食饭，
“钟SIR”提议走，当我一起身，
佢又一手帮我攞住我个好重嘅袋，
搅到我超唔好意思。
后记: (“钟SIR”睇唔到先可以写)
今晚，“钟SIR”主动分享咗好多个人嘢，
我冇谂过佢会讲嘅嘢，佢都会讲，
又观察入微，讲咩都中，超似一个预言家。
佢真系好叻，好有才华，
同佢相处好舒服，
为人设想、细心、体贴，
无私嘅分享，由衷佩服同欣赏佢。
“钟SIR”，对你感激难尽，
希望咁攰嘅佢出嚟食呢餐饭，食得开心啦，
知道“蠢学生”真心多谢佢，
不过，其实我应该又唔蠢得哂啩，
感觉到佢为我悭荷包，
但我真系怕佢唔饱。
因为之前佢为我饿过，
我怕饿亲人哋个仔，
我唔知点赔番个仔俾人。
张贴
