Hungry Lobster (已結業)

2016.12.20【12.20 登龙街的龙虾】 一直以来，我对登龙街嘅印象， 就系面，全部都系面， 难得上次过嚟食点心， 见到有面以外嘅选择。 心谂， 咁有特色， 以龙虾做主题， 一定要食。 今日逛完时代， 谂起龙虾， 马上行去。 晚上有面对灯光反映， 店舖色彩多咗，更缤纷， 食欲又增加。 橱窗Poster写明有咩食， 明码实价， 带住合理期望入去食， 够均真。 今日专程嚟食， 仲见到龙虾包特价， 法式龙虾汤都系今日推介， 好Lucky， 好开心。 座位数目唔算多唔算少， 俾人感觉坐得舒适。 有趣嘅装饰， 好自由嘅感觉。 画龙点睛嘅龙虾装饰又点少得， MENU早已放喺枱上俾我拣， 但我一早心有所属。 龙虾包 啖啖鲜甜龙虾肉， 唔驶拆壳， 最啱我， 一口一满足， 系食龙虾嘅小确幸。 个包烘得香脆。 龙虾汁淋落龙虾包更加滋味。 法式龙虾汤 附上一片蒜香多士 将蒜香多士浸入龙虾汤， 多士充满蒜香同浓浓龙虾味， 无论色同味， 龙虾汤都呈现一种精华浓缩， 加上忌廉， 质感更厚实。