咖啡弄 (已結業)

今次拣左呢间餐厅同好朋友相聚。呢间系一间台式既cafe，记得餐厅岩岩开张个时，要排成个几钟先可以入去食野，依家热潮倒退，无之前甘多人，仲可以预先打电话订位。上到去，环境偏暗，位与位之间，比较逼，隔离讲野你会听到，感觉麻麻。台式cafe好似全部都要叫一杯野饮，仲有限时90分钟。我地先叫左份总汇三文治。三文治个馅有青瓜，鸡肉，芝士，蛋，火腿，菜，食到有的甜甜既酱汁，面包有烘过，都几好食，唔漏。个蛋沙律个汁好少，菜系普通既生菜。再加上有墨西哥脆片，味道唔错，同三文治都几夹。我叫左杯优格野莓沙冰，一黎到已经哗左一声，真系好大杯....份量好足料，好多莓，都几好饮。鲜草莓沙冰，佢上既时候，会有一个灯系底，整到杯野好靓。盐味焦糖冰淇淋松饼松饼是厚实型，唔系雪芳蛋糕质地，基本上食2块都已经饱到上心口....虽然唔系松化，但味道都OK，加上cream同糖浆，好好味，仲有的nuts，雪糕，口感层次都几丰富。