醉胡爐 (已搬遷) 新店位置

天气转凉，最适合打边炉，呢间餐厅推出火焰龙虾锅优惠，当然谂都唔使谂就去食返只龙虾先。侍应首先会将新鲜嘅龙虾炒一炒，再用酒烧一烧，跟住再用佢哋特制嘅龙虾汁去煮。煮滚之后我哋先试咗一啖汤，龙虾汤非常甜好有龙虾味，之后就试一试个龙虾肉，好弹牙好新鲜。我哋order左好多火锅配料，例如有安格斯牛肉，鳝片，好出名嘅黑松露手打墨丸，黑松露蟹肉饺，杂菇拼盘同埋鱼蓉面。安格斯牛肉好大碟，而且牛肉嘅脂肪比例均匀，雪花一般，焯一焯就熟，咬落去好冧，好有牛味。鳝片分量唔算多，但系都好爽，好好味。黑松露蟹肉饺只需煮40秒就可以捞黎食，蟹肉饺好有松露味，入边嘅蟹肉都好鲜甜，好特别。手打松露墨鱼丸非常弹，入面有一粒粒嘅墨鱼肉，口感好丰富，松露嘅味道好香。食到最后一次过将所有嘅杂菇盘拼盘同埋鱼蓉面放晒落个锅度，变成一品锅，食得非常饱，人均消费都系二百几，又饱又好味。