薩莉亞意式餐廳 (逸峰廣場)

营业中

休息中

依间餐厅永远都系任何时候都好多人排队，冇计，因为实在真系好便宜， 2019年佢嘅菜单上面基本上大部份嘅Pizza，意粉，饭类，小食等都系30蚊以下左右，系铁板类贵d, 咁嘅价钱真系唔知边度揾到。今次就冇加任饮，因为$13基本上冻饮得汽水，叫咗个黑松露杂菌意粉，鸡肉pizza，中华沙律，水牛芝士，辣香肠配薯角，仲加咗个提拉米苏，芝士饼。黑松露杂菌意粉好香，意粉软硬度适中。鸡肉pizza芝士系唔少，焗得啱啱好。最惊喜其实系𠮶两个甜品， 10几蚊个质素非常之好，非常之有口感，都够浓味。其他食物正正常常。装修虽然已经开始有少少残旧，但系因为基本上都好多卡位，所以都算坐得舒服。叫咁多嘢埋单都系$150左右，其实喺香港真系唔知点样揾到，所以依间连锁餐厅真系前无古人后无来者暂时都系。