曼谷小廚

营业中

休息中

今次同朋友去梅窝试咗呢间梅窝小曼谷，抵食又好味。下次再去梅窝要再食多次同朋友下午去食，就叫咗下午茶加啲小食。下午茶价钱好抵，而且份量好足。我叫咗个印尼炒饭(猪)，份量好足😋下午茶嚟讲超级抵，仲可以加配埋饮品！个人来讲几钟意佢调味，唔算好咸，而且好入味。再配埋杂豆同蛋丝。啲饭粒粒分明但唔硬。朋友叫咗海南鸡饭，我都忍唔住试咗啖。酱汁好好味，正宗嘅海南鸡饭酱。份量好足。海南鸡嘅份量都好多。之后就到小食啦！炸虾饼真系好好味！有机会要试吓！但个虾饼都薄，比麦乐鸡大少少。呢个串烧系可以mix嚟叫既，今次就叫咗全部鸡。份量劲多，每串到劲多肉。一路食都会出烟，keep住热辣辣！酱汁方面，沙嗲酱入面有小小花生粒，更加有咬口，口感更加丰富。临走之前，又再嚟多次食芒果糯米饭。呢个真系推介，分量比出边餐厅多，而且价钱好抵，只系$48蚊咋糯米饭加芒果配埋果酱，真系超夹超好味！咁啱去梅窝可以试吓！