八福 (已結業)

今日决定系旺角平食，就揾到呢间黄店，一去到见到劲长龙就吓亲，不过好彩系排隔离拉面（本人好唔钟意排队等食😖）不过我地去到果阵呢间都full左，但好彩都好快入到去。呢间主打自家制乌冬，个set都几抵食，包主食，野饮同小食。蟹肉乌冬又真系都几多蟹肉，但略嫌个汤有啲杰，唔系几钟意，食完会觉得好饱。但果两粒炸带子系带惊喜既，本身以为呢个价钱会好厚粉，但点知粒带子又几大粒。然后仲叫左个蟹棒乌冬，都系正正常常清清地，几岩我胃口。唔想饮野，但口痕想食下个中华沙律就额外叫左个小食过下口瘾。下次黎到旺角谂唔到食咩会再黎食😚😚