元気寿司 (已搬遷) 新店位置

2020年就嚟完喇今日要好好食一餐安慰自己终于挨过咗这非一般的2020年，仲要为21年打吓气叫自己唔好气馁，去咗元气寿司食下午茶。不嬲都觉得元气下午茶餐十分抵，五件寿司配一份小食还有前菜，都只是60蚊。我叫了一份冇生野的火焰寿司餐，有玉子、烧牛肉、烧三文鱼、鳗鱼、烧蟹柳寿司。本来想叫我的最爱蒸蛋， 可惜卖晒， 很失望的叫了吞拿鱼沙律冷面再加多薯条。吞拿鱼沙律冷面是新出的，势估唔到除咗蒸蛋之外呢个都唔错㖞，大大份好饱肚，沙律有很多菜伴碟，好清新，加埋吞拿鱼沙律酱捞得啱啱，冇令我失望㖞 寿司同薯条都保持水准。食饱饱之后行一阵影下相，总算系过咗一个平平安安无惊无险的元旦。