喜鍋 海鮮‧火鍋‧小廚 (已結業)

其实打呢篇食评𠮶阵时已经系我第三次去呢间油麻地隐世火锅店，因为真系太好食了！。朋友就会唔想谂𠮶阵时就会去呢度食！ 价钱方面其实佢真系唔算平，但系佢绝对对得住佢嘅质素！首先佢食物质素高，肉类唔会好大浸雪藏味，海鲜亦都唔会好霉亦都有一定嘅鲜味。其次系佢选择都其实算几多，讲汤底已经有12款，而且唔系一般好hea 好common 既咩酱油豆腐汤之类𠮶啲，每一款都算浓味同埋有一定嘅配料； 再讲就系食物种类，除咗头先讲新鲜之外，佢亦都有唔少几特别嘅选择，除咗火锅之外佢仲有酸菜鱼同埋鸡煲，而且仲有一啲可以即刻食嘅小食，私心推介就系佢既期间限定虾多士！嚟咗两次都有食，老板话唔系次次都有得食，佢会定期转下款俾大家有多啲选择。如果你问我佢有啲咩缺点我就只可以话佢店面比较细位置唔多，有两次都等咗一阵先有位。而且每位大约300至$400不等，如果纯粹想饱肚或者日本朋友聚会嘅话可能去食放题嘅火锅店比较适合你，老板话最近都有做紧88 折嘅优惠，价钱会叫做优惠一啲，但比我话，如果食就梗系食好啲啦！