Jaspas Restaurant (已結業)

西贡的确比人好chill嘅感觉，本来想坐出边嘅露天位，但当日真系太大风，所以坐咗餐厅里面。餐厅里面都几大，有好多位。Fajita上菜时仲系热到sa sa声，叫咗鸡胸，一啲都唔会鞋，都几嫩滑，配有四小块墨西哥薄饼，垫喺下面嘅洋葱好甜仲有少少黄椒红椒，略嫌太少红椒黄椒。可以自己慢慢包，钟意包几多配菜都得，又可以自己控制调味料嘅份量。薄饼嘅底超级薄，薄到非常脆，唯一好嘅系上面好多芝士同埋热辣辣，所以点都会好味。呢个阔条面比较淡，鸡粒亦都非常鞋，调味可以加重少少，整体冇乜味道。呢碟非常辣，但意粉嘅软硬度啱啱好，略嫌蒜香唔系好够。整体价钱比较贵，应该唔会食第二次。