湯直送 (已結業)

不嬲都中意饮汤, 奈何自己又无时间煲, 平时都系买连锁集团既汤卷得闲拎个汤饮, 个日上网见到依间汤直送有炖汤24小时直送之外download佢个apps新开户仲有30蚊送, 都几抵! 于是放工就去买两个汤试下, 如果ok以后就多个选择。上到去好似好新好干净, 应该新开既, 原本以为系外卖店, 原来佢都有堂食而且都几多座位。睇睇menu汤既种类都好多有成10几款, 原来依度系有饭食架, 仲要系买汤加5蚊就有个饭, 超抵, 可惜我买既时候已经过左5点, 唯有下次啦~ 外卖袋, 碗同埋餐具都系餐厅自家造, 感觉几有质感, 汤碗有内外两层所以几保到温, 个汤拎到番屋企都仲系热既。花旗参准山炖去皮鸡花旗参味好出, 汤料既准山, 去皮鸡都渗哂花旗参味, 饮落甘甜川贝百合海底椰炖白鸽饮落去感觉清甜又滋润佢既炖汤饮得出完全无落味精, 好清甜, 佢额外已提供左盐包, 比客人自行加盐调味, 我就中意零味精零盐咁饮, 已经够哂清甜又健康! 以后饮汤又多个选择, 只系55蚊就有专人送到手真系抵, 以后随时都可以饮到靓汤