萬華糖水店

营业中

休息中

上星期某一日，我路过差馆里，见到一条长长人龙，已经好有兴趣，可惜果日饭后去到（9点左右）已经卖晒。寻晚（8点半左右）再去碰运气，幸运地仲有得卖呀！芋圆同地瓜圆都系我最钟意食嘅台式甜品呀！外卖一碗返屋企先！对，呢度只有外卖，冇堂食位置架！热综合汤圆（$25）一碗有齐红豆沙，红豆、薏米、西米、芋圆、地瓜圆、同小丸子嘅糖水，份量十足，未食饭就咁食都半饱。配料多所以十分有咬口，芋圆同地瓜圆切得大大粒，有芋头味同地瓜（蕃薯）味，食得出系真材实料呢！呢碗糖水值得久不久回访！