影片
更多
2023-01-10
646 浏览
真真正正嘅打工仔恩物‼️两𩠌饭只需$25，三𩠌则$30，食个麦当当都唔只呢个数啦，怕且以后「寻觅肯同自己挨麦记嘅女人」都要改做「肯挨岱民双𩠌饭」。用得个挨字，好似贬贬地义唔多掂咁㖞，唔好食咩？唔难食嘅，味道相当正常，但又正常唔晒，容我娓娓道来。岱民比其他双𩠌饭做得细心嘅地方，系佢贴晒「是日菜式」出嚟，唔使啲客望住个𩠌但又唔知菜名。再留心啲菜式，麻婆豆腐、酸辣土豆丝、重庆鸡煲、辣子鸡、水煮牛肉等等，似乎系偏北方口味。笔者呢餐叫咗鱼香茄子 ＋ 椒盐猪扒，真系大件兼抵食。同事叫三𩠌饭仲夸张，啲𩠌满到就快泻出嚟。唔系老吹，有图有真相。味道方面，坦白讲，有种违反商品说明条例feel，鱼香茄子冇鱼香味，椒盐猪扒冇椒盐味。不过，撇除「鱼香」、「椒盐」呢啲调味形容词，当佢普通炆茄子、普通煎猪扒嚟食，其实味道相当正常。喂，咪咁高要求啦，想食「梅菜蒸肉饼」、「咸菜猪肚」、「卤水猪手」？直接无视佢啲「梅菜味」、「咸菜味」、「卤水味」，当廿五蚊买个蒸肉饼、猪肚、猪手饭，物超所值啦。即系好似睇织田真子咁，虽然个样有啲残又有啲老，但中女嚟讲都算四正睇得吓啦；虽然波地睇落肉感咗少少，但都算得上应大则大，未至于系虎背熊
两𩠌饭只需$25，三𩠌则$30，食个麦当当都唔只呢个数啦，怕且以后「寻觅肯同自己挨麦记嘅女人」都要改做「肯挨岱民双𩠌饭」。
用得个挨字，好似贬贬地义唔多掂咁㖞，唔好食咩？
唔难食嘅，味道相当正常，但又正常唔晒，容我娓娓道来。
岱民比其他双𩠌饭做得细心嘅地方，系佢贴晒「是日菜式」出嚟，唔使啲客望住个𩠌但又唔知菜名。再留心啲菜式，麻婆豆腐、酸辣土豆丝、重庆鸡煲、辣子鸡、水煮牛肉等等，似乎系偏北方口味。
笔者呢餐叫咗鱼香茄子 ＋ 椒盐猪扒，真系大件兼抵食。同事叫三𩠌饭仲夸张，啲𩠌满到就快泻出嚟。唔系老吹，有图有真相。
味道方面，坦白讲，有种违反商品说明条例feel，鱼香茄子冇鱼香味，椒盐猪扒冇椒盐味。不过，撇除「鱼香」、「椒盐」呢啲调味形容词，当佢普通炆茄子、普通煎猪扒嚟食，其实味道相当正常。
喂，咪咁高要求啦，想食「梅菜蒸肉饼」、「咸菜猪肚」、「卤水猪手」？直接无视佢啲「梅菜味」、「咸菜味」、「卤水味」，当廿五蚊买个蒸肉饼、猪肚、猪手饭，物超所值啦。
即系好似睇织田真子咁，虽然个样有啲残又有啲老，但中女嚟讲都算四正睇得吓啦；虽然波地睇落肉感咗少少，但都算得上应大则大，未至于系虎背熊腰猪腩肉吖🐯🐻🐷。纯粹填肚、满足口欲顶住先嚟讲，ok㗎喇👌🏼。
双𩠌饭
$25
80 浏览
0 赞好
0 留言
三𩠌饭
$30
78 浏览
1 赞好
0 留言
张贴
