影片
更多
2017-05-27
101 浏览
HKG C 小姐生日，揾左间有情调嘅美式传统华丽风格餐厅同佢庆祝。一步入就听到响亮歌声配住 Live Band，劲有气氛。前菜系焗蒜茸包（初头以为免费，埋单先知系付费餐前开胃菜），热辣辣，大大件，够哂香脆。餐厅做紧推广，凡点主菜炭烧牛就可以玩「一手鲜生蚝」，不负众望。。。登登登登。。。我一手拎到6只！系6只！咪以为免费送就将价就货，生蚝开出黎仲好湿润新鲜，虽然肉身唔算好大只，但口感非常爽脆，啖啖海水味。焗田螺忌廉薯蓉，用香草同牛油焗，上枱劲香，一口一粒，滋味！带子蟹肉露荀宽条面，粒带子有掌心咁大，蟹肉可能混入左忌廉汁𥚃边，所以唔系好食得出，虽然系咁，但个汁煮得好 creamy，芦笋都好爽口。炭烧美国肉眼扒，分量十足，配一份薯条、烧汁、同蔬菜，块扒足12安士，三成熟刚刚好一切开肉汁出晒嚟，不过略嫌淡口，如果配埋岩盐咁就 very good 喇。香煎鳕鱼伴鲜蚬配红花忌廉汁，咪睇小份鳕鱼，成份鱼扒劲厚肉，蚬又多，两个人净系一齐食呢样都够饱，鱼扒咁厚一般会煮得过熟同鞋口，但呢道菜鱼肉好似半生熟蛋咁好滑身。铁板酱焼猪仔厚肉排，唔知系乜🐷种，比平常猪仔骨，呢个肉同骨都较厚身，之但系煮出黎依然好嫩口
前菜系焗蒜茸包（初头以为免费，埋单先知系付费餐前开胃菜），热辣辣，大大件，够哂香脆。
餐厅做紧推广，凡点主菜炭烧牛就可以玩「一手鲜生蚝」，不负众望。。。登登登登。。。我一手拎到6只！系6只！
咪以为免费送就将价就货，生蚝开出黎仲好湿润新鲜，虽然肉身唔算好大只，但口感非常爽脆，啖啖海水味。
焗田螺忌廉薯蓉，用香草同牛油焗，上枱劲香，一口一粒，滋味！
带子蟹肉露荀宽条面，粒带子有掌心咁大，蟹肉可能混入左忌廉汁𥚃边，所以唔系好食得出，虽然系咁，但个汁煮得好 creamy，芦笋都好爽口。
炭烧美国肉眼扒，分量十足，配一份薯条、烧汁、同蔬菜，块扒足12安士，三成熟刚刚好一切开肉汁出晒嚟，不过略嫌淡口，如果配埋岩盐咁就 very good 喇。
香煎鳕鱼伴鲜蚬配红花忌廉汁，咪睇小份鳕鱼，成份鱼扒劲厚肉，蚬又多，两个人净系一齐食呢样都够饱，鱼扒咁厚一般会煮得过熟同鞋口，但呢道菜鱼肉好似半生熟蛋咁好滑身。
铁板酱焼猪仔厚肉排，唔知系乜🐷种，比平常猪仔骨，呢个肉同骨都较厚身，之但系煮出黎依然好嫩口，酱汁味道入哂，跟配薯条 perfect match。
HKG C 小姐都好满意呢餐生日饭，感恩🙏🏻
张贴
