翡翠拉麵小籠包

营业中

休息中

$28个儿童餐，仲有玩具送！啱啱去完旺角新世纪MOKO新开嘅「翡翠拉面小笼包」，佢哋新出嘅翡「趣」儿童餐真系好抵！ ($28系特价，其实就算原价$38都唔贵)个儿童餐好丰富，有两个豆沙包、两条脆皮春卷、一碟胡麻酱拌菜、一个拌面同冻豆浆，除咗春卷畀爸爸食咗，BB成餐食到唔停口。至于我哋都有好嘢食，见到新出嘅夏日限定餐单，好多蕃茄菜式，我哋当然要试吓，个蟹肉蕃茄冷面好清新又足料，个面我见到师傅系即拉㗎㖭 😃👍🏻 师傅超好笑容又nice，仲不停同BB say hi，所以我哋成餐饭都食等好开心。我亦推荐个鱼干麻酱拌秋葵，一啲都唔会滑潺潺，爽脆带点咸香，好滋味呀。当然每次嚟亲我都必点四川口水鸡、清炒虾仁、上海小笼包啦！饮品方面都有新搞作，我哋叫嘅柠檬洛神花茶同鲜橙绿茶，都酸甜兼备，开胃又消暑，真心好饮！甜品方面，呢度嘅酒酿丸子好够酒香，绝无欺场！而老公就大赞个姜茶汤丸够辣，姜味好足，而且两粒汤丸劲大粒又烟韧，芝麻馅嘅甜度刚刚好，食完唔会腻。呢度嘅位仲要好寛敞，又有BB椅，真系好啱带小朋友嚟食饭。我上网check 过，除咗旺角MOKO，铜锣湾时代广场、沙田新城巿广场都有提供翡趣儿童餐㗎。