Italian Tomato Café (已搬遷) 新店位置

　　今日下昼同爱人黎食下午茶Ｈ餐双份，每份$45蚊免加一，餐饮每杯加$8蚊转饮忌廉咖啡，然后散叫一件$28蚊蓝莓芝士挞两份share。　　烟三文鱼蘑菇意粉－意粉好爽口，配料都好足，但系个忌廉茨汁真系非常之重奶味，食唔惯嘅人可能会受唔到。　　忌廉咖啡－个忌廉直情系做蛋糕用嘅忌廉味，始终都系「士DA不」Ｄ忌廉好得多。咖啡未落糖水之前饮，有少少酸，落左糖水之后亦唔觉得特别好饮。　　蓝莓芝士挞－蓝莓清甜新鲜，饼身芝士味较淡，但系蛋味好浓郁，可惜挞皮唔够脆。食惯重芝士味嘅朋友一定觉得佢唔掂。　　食完之后，我同意前文食家所讲，呢间野只系Ｄ糕饼类靠得住，意粉同饮品都系麻麻地。