信得過 (已結業)

因为之前在团购网上买左他们的$29 叹原价$58的花胶杏汁猪肺汤，所以今日下午六点钟去左饮，坐下后取出优惠券就听到个侍应叫特价既花胶杏汁猪肺汤，当时不以为意，但汤一上时只见汤不见渣，图片所见的是未饮前用汤匙捞上来的渣，试一口汤杏汁的味很浓但就非常咸，本来都算了，但刚好隔离枱用正价叫左同一款的花胶杏汁猪肺汤，我一看，哗！点解差别咁大，我的水汪汪得一旧花胶，隔离D花胶都浮晒出汤面，起码都有两三旧，D猪肺我的是碎湿湿，隔离的就一件件约1吋X2吋左右大件，虽然系平左一半但我都无稔过差别咁大，我都知你比一半钱就唔好要求咁多，但系我之前都有买其它优惠去食，人地都无将货就价，都好有份量，我估唔到一间咁出名的店居然会咁做，如果系咁不如唔好做特价，又要做又要将货就价。仲有D侍应D态度都唔系咁好，我问洗手间系边，佢眼尾都唔望我一眼就挥手一指，态度真的好有问题。